Een keer in 'n leeftyd geleentheid...
Posted: Sat Jul 01, 2017 10:49 pm
Goeie naand...
Ek was gelukkig om die Bergskaap te kon dood skiet. Die skaap is die oggend so teen 09h00 gekwes deur 'n bejaarde oorsese jagter en die boer het gevra of Ruger dalk kan kom help. Teen 12h00 was ons min of meer op die plek waar die skaap laas gesien was, maar daar was geen opsigtelike bloed of spoor nie, die terrein was baie onherbergsaam en die kranse baie hoog op plekke. Ek het Ruger maar losgemaak en het gesien hy stel nie vreeslik belang nie en ek kon sien hy soek die spoor. Na so 5 minute se loop kon ek sien sy gedrag verander en hy het doelgerig op die rotslyste begin spoorvat. Seker so 100m voor ons in die skadu van 'n Wilde Kransvy op die rotslys het 'n bergskaap gestaan en ek het Ruger weer gehaak aan die leiband , maar ons kon nie sien of dit die gekweste skaap was nie. Die skaap het ons opgemerk en teen die rotslys afgeklim. Ons het paar druppels bloed gekry onder die boom en op die oomblik het hy reg berg af gehardloop en dit het gelyk of hy niks makeer nie...die boer het 3 skote geskiet en vir my gesê ek moet skiet, die skaap het reg weg gehardloop van ons en ek het so 'n meter voor hom gemik en geskiet , die skoot het mooi geklap en die skaap was weg met 'n paar kudus wat 'n entjie regs van ons wegspring. As gevolg van die hoë kranse moes ons op 'n ander plek probeer om die berg af te gaan. Na 'n tydjie het Ruger die skaap in 'n bos gekry en my skoot was mooi tussen die skouers en die kop in...hoe gelukkig kan mens nou wees. Die ou oom was baie bly oor die skaap wat nie weggekom het nie.
Groetnis
Ek was gelukkig om die Bergskaap te kon dood skiet. Die skaap is die oggend so teen 09h00 gekwes deur 'n bejaarde oorsese jagter en die boer het gevra of Ruger dalk kan kom help. Teen 12h00 was ons min of meer op die plek waar die skaap laas gesien was, maar daar was geen opsigtelike bloed of spoor nie, die terrein was baie onherbergsaam en die kranse baie hoog op plekke. Ek het Ruger maar losgemaak en het gesien hy stel nie vreeslik belang nie en ek kon sien hy soek die spoor. Na so 5 minute se loop kon ek sien sy gedrag verander en hy het doelgerig op die rotslyste begin spoorvat. Seker so 100m voor ons in die skadu van 'n Wilde Kransvy op die rotslys het 'n bergskaap gestaan en ek het Ruger weer gehaak aan die leiband , maar ons kon nie sien of dit die gekweste skaap was nie. Die skaap het ons opgemerk en teen die rotslys afgeklim. Ons het paar druppels bloed gekry onder die boom en op die oomblik het hy reg berg af gehardloop en dit het gelyk of hy niks makeer nie...die boer het 3 skote geskiet en vir my gesê ek moet skiet, die skaap het reg weg gehardloop van ons en ek het so 'n meter voor hom gemik en geskiet , die skoot het mooi geklap en die skaap was weg met 'n paar kudus wat 'n entjie regs van ons wegspring. As gevolg van die hoë kranse moes ons op 'n ander plek probeer om die berg af te gaan. Na 'n tydjie het Ruger die skaap in 'n bos gekry en my skoot was mooi tussen die skouers en die kop in...hoe gelukkig kan mens nou wees. Die ou oom was baie bly oor die skaap wat nie weggekom het nie.
Groetnis
Ek soek daai lang lang biltong.