JARACAL

Manne en dames, dit verskaf my groot genot om my nuwe yster met julle te deel. Ek het hom Vrydag middag gaan haal en die aand die aksie in die kolf gepas en gebed. Saterdag het ek die skop kussing opgesit en die kolf geverf. Terwyl die verf droog raak, het ek die slot knop vervang met een van Marco se skeppings.
Die geweer het begin as 'n "nat nuwe" HOWA 30-06. Ek het ''n Heym loop by my plaaslike handelaar gekoop. Die "blank" loop was klaar gekamer vir 7x57.
Ek het die HOWA en die Heym vir Advanced Gunsmithing in Potchefstroom gestuur wat die kamer oor gesny het na 7x57 AI. Hul het die profiel op die loop gesny met 'n 4 duim knoks en taps tot 22 mm by die kroon. Die aksie is haaks gepas en die 26 en 'n kwart duim loop is toe geblou.
Die faktuur is uitgemaak vir R5 500.00.

Ek het 'n Warne 20 MOA basis opgesit en my ou staatmaker Leupoldt Mk4 met sy Burris QD ringe opgeklamp.

Toe jeuk my gat.

Ek het 45 grein 365 in 'n paar doppe gegooi en 162 SST koeëls ingedruk met 'n 0.5mm sprong. Die verf was nog letterlik nat, toe loop die skote. Die spoed was maar 'n beskeie 2600vps. Ek mik na 2750vps. Die QL manne is net so angstig soos ek om hom op ''n node te kry.
Na 15 skote vir loop inbreek het ek die groep van vyf skote op die 25mm plakker geskiet. Daar is 7 skote deur daai plakker!

"I am a happy man!!!!"
http://i1264.photobucket.com/albums/jj488/7mmgawie/Mobile%20Uploads/20160402_145118-1.jpg
http://i1264.photobucket.com/albums/jj488/7mmgawie/Mobile%20Uploads/20160402_152226.jpg
http://i1264.photobucket.com/albums/jj488/7mmgawie/Mobile%20Uploads/20160402_172353-1.jpg

....en voor julle almal met my stry, die lisensie sê HEYM en die kaliber is 7x57 AI. Dit is so op die loop gestempel.
Wie het vir my 'n " Batman" plakker?

Baie geluk Gawie, geniet die yster.... dit is sommer mooi geskiet daar.

Baie bly vir jou part! Hoop hy verskaf baie vreugde.

Een puntjie van kritiek. Groen sou baie mooier gelyk het - John Deer-groen!

Baie geluk en alle voorspoed met "Batman". Met al die gewag en bakleiery met CFR en dan nog vroulief wat wil weet wanneer kom die geweer wat jy gekoop het, toon dit die moeite werd. Gaan ons hom sien by Kaapjag se AJV vir die gongs.

Dankie manne.
Oom Pieter, die groen verf was op. Al wat op die rak was was "Stone chip" swart verf.
Heinz, ek en my trekker is verseker daar.

Gawie. Ek dink jy moet n paar rooi LEDs opsit en hom NightRider doop

Baie smart Gawie.

Jy het nou n 7x57 AI H&H

Mooi man Gawie. Laaik daai roer kwaai!

Gawie baie geluk die roer lyk baie giftig! Ek dink jy moet hom die swart mamba doop Nou kan jy rustig slaap al jou kuikens is weer op hok.

Baie geluk!

Watse kolf is daai Gawie?

Bitter nice!!

Geniet hom!

Met n vleisie...

Apie wrote:Baie geluk!

Watse kolf is daai Gawie?

My eie skepping.

Nee wat Jason. BATMAN en klaar.

Het jy die Warne rail gebed of net vasgedraai? Jou opinie oor rail bedding?

Gawie(13mm) wrote:

Apie wrote:Baie geluk!

Watse kolf is daai Gawie?

My eie skepping.

Nee wat Jason. BATMAN en klaar.

Sal vir jou n batman sticker laat kry.

Mooi man!

Geluk Gawie, geniet die nuwe roer

Smitstertjies wrote:Het jy die Warne rail gebed of net vasgedraai? Jou opinie oor rail bedding?

Ek het hom net tot die regte spanning op die boudjies, vasgedraai. Ek glo maar dat alles perfek moet pas en sal hom definitief nog bed met "Quick set epoxy". Hoe groter die eweredige dra-vlak is, hoe minder spanning op die skroewe. Ek maak die basis effens grof met 100 grit skuurpapier om ''n meganiese, sowel as chemiese binding te verseker. Die aksie smeer ek dan met waks. Die "Quick set epoxy" is minder as ''n polonie skil se dikte as jy dit reg doen. Onthou om waks in die skroef gate te sit en op die skroefie se draad, voor jy die epoksie aanwend.
Ek dink dat daar meer skade gedoen word deur manne wat skroewe te styf vasdraai as anders om. 20 pond/duim is voldoende en saam met ''n lekseltjie "gryp en knyp", gaan hy jou nie los nie.

Baie geluk Gawie daai roer lyk nou regtig stout en lyk sommer hy gaan loop soos stroop met min moeite..

As jy resultate begin sien, raak dit verslawend.

mooi Gawie dit is bitter netjies!

Geniet daai Heym

Baie geluk Gawie, dit lyk sommer soos 'n harde ou werkertjie. Geniet hom.

jou hande werk reg ou maat. dit lyk sommer grand.

Baie mooi geweer. Het die chrony hierdie keer die inskiet oorleef?

Baie mooi Gawie! Bly vir jou dat al die beplannery so goed uitgekom het. Batman sal goed werk saam met die JD, anders kan jy die twee saam A-Team doop. (Love it when a plan comes together!)