Grys Jakkals

[test]

Dagse manne,

Die laaste paar jakkalse wat ek geskiet het vertoon grys en meestal sonder die donker streep op die rug. Het enige van julle dit al gesien en waarom is dit so?

Ek het onlangs ene by my buurman geskiet en hy was nou weer soos gewoonlik met die duidelike kleur verskille.

Aangeheg is n foto.

Groete

Alex

[Foxcreek]

In watter distrik slat hulle so grys uit?

[test]

Ek is in die Dullstroom omgewing. Geno het voorgestel dit mag moontlik die side striped jackal wees, maar die buurman se dis maar die gewone rooi jakkals, volgens doe internet kom die side striped jackal nie daar voor nie.

Sal graag wil hoor wat dink julle...

[Mac]

Het iemand vir die jakkals gese hy hoort nie daar nie?

[test]

Mac, as iemand het, het die jakkalse nie geluister nie want daar is baie!

[tripodmvr]

Lyk vir my jy het 'n vaaljakkals geskiet (Engels side striped jackal).(canis adustus)

[VdWalt]

Lyk soos n vuil wolfhond

[test]

Ek is nie 100 % oortuig dat dit n andet soort jakkals spesie is nie, hier is nog n foto waar die kleur half tussen in is maar hy het meer n trek na die gewone jakkals.

[Spanner]

Wat is die kans dat die twee tipes kan kruisteel en jy het die "baster" geskiet ?

[Geno]

Kyk die verskillende kleure agter die ore van die twee jakkalse. Eerste jakkals is witkwas jakkals. Tweede een is rooi jakkals.

[Geno]

Die eerste een het ook nie die prominente swart saal nie.

[Louis102]

"Vinnige Valetjies" as julle my sou vra. (Onthou julle nog die "vinnige valetjie"? Voel soos 'n leeftyd gelede)

Ek dink dis maar rooijakkalse met 'n kleur variasie, sien dit van tyd tot tyd hier ook. Glo nie dis die Witkwas jakkals nie, maar ek is oop vir oortuiging.

[test]

Louis, wat is die vinnige valetjies waarvan jy praat? Ja Geno ek sien die verskil in die kleur van die ore waarvan jy praat.

As daar wel witkwas jakkalse dan daar is, is dit 'n algemene ding en sal hulle met die gewone jakkals kompeteer vir 'n territoriale gebied?

[tripodmvr]

Is die twee fotos van dieselfde jakkals?

[test]

Nee dit is twee verskillendes sowat 'n uur uitmekaar geskiet...

[tripodmvr]

Die grys jakkals kom voor in die noordelike deel van SA en kan dus baie moontlik in Dullstroom se wereld wees. Baie skugter dier wat omtrent net in nag loop en ek sou dink dat die rooijakkals hom sal domineer. Hy is grotendeels 'n aasvreter of jagter van klein diertjies en voëls. Die jakkals wat jy wys het nie die prominente strepe op die sye nie. Google witkwas jakkals en jy sal mooi fotos van hulle sien.

[Louis102]

...Louis, wat is die vinnige valetjies waarvan jy praat?...

Alex, in die begin dae van hierdie forum was daar wyd bespiegel oor die bestaan van die "vinnige valetjie" en of dit 'n ander soort jakkals as ons normale rooijakkals is. Daar kom beslis 'n "valer" rooijakkals hier in ons omgewing voor. Die oorsprong van daardie onderwerp was juis uit ons omgewing - daar was deur sommige geglo dat die valetjies ook effe kleiner is, baie vinniger en meer rats kon hardloop as die rooies, sou jy hulle bv. met 'n voertuig jaag. Die "geleerde manne" het ons destyds laat verstaan dat dit maar een en die selfde spesie is en dat dit slegs 'n variasie in kleur is.

Ek skiet somtyds sulke valetjies wat besig is om die ou haardos af te gooi en wil my verbeel dat die nuwe "jas" daar onder, nader aan die kenmerkende rooijakkals se kenmerkende kleure is. Verder het ek ook al rooijakkalse gesien en self geskiet wat wit kwaste op die punt van hul sterte het. Ek ken egter glad nie die Witkwas-jakkals nie, slegs prentjies/foto's gesien daarvan. So, ek mag die pot dalk heeltemal mis.

Mooiloop
Louis

[Louis102]

Hier is hoe die "vinnige valetjie" destyds onthul is:

Jakkie 735: Vinnige Valetjie Onthul

[theedge]

Mooi gemaak

[G-force]

Is daar nie dalk fotos van hulle koppe,bekke,tande ensv nie?

[ambessa]

Hallo Geno / almal

Die Forum is nou so groot mens verdwaal indien jy nie kophou nie.

Daar is reeds heelwat oor die kleurvariasies (valetjies ens?) op die Forum gesels.

Die Side Striped Jackal (Canis adustus) en sy Afrikaans Witkwasjakkals behoort duidelik aan beide die systreep of die witterige kwas aan die stert onderskei te word.

Die foto(s) is nie duidelik genoeg om enige van hierdie twee kenmerke uit te ken nie?

Die bewerings word gemaak dat daar toenemend toevallige kruisings tussen beide Rooi- en Witkwasjakkalse en honde (Canis familiaris) opgemerk word.

Mooi loop.

Ambessa

[Geno]

Oom Am,
Hier is mos 'n wit punt?

https://dl.dropboxusercontent.com/u/49750262/Jackal/Kwas.JPG

Ek weet mens kry van die rooies wat nou en dan 'n wit punt het, maar 2 in een nag is regtig ongehoord. As ek dit nie mis het nie, het Gerhard ook al Witkwas jakkalse in die Dullstroom distrik ingeroep.

Nog een van Alex se fotos:

https://dl.dropboxusercontent.com/u/49750262/Jackal/Kwaste.jpg

[johann]

Alex ek het van daardie fotos by Geno gesien, hul is op gebrande veld geskiet reg?? As jakkalse lank aas op gebrande veld kan dit nie deel maak van die vuilgyt wat kleurverskynsel veroorsaak nie. Bedoelende dat jakkals net gevlek en vuil is agv as ? Ek het 'n nes gehad in die britstown omgewing wat die hele jongspan witpuntjies op die stert gehad het. Weet nie wat dit veroorsaak nie. Weet oom Taffie het ook 'n paar in daardie omgewing geskiet.

[test]

More almal, jammer ek was n ruk van die forum af gewees.

Johan die gebrande veld kan seker maar ook n verskil maak, maar in hierdie geval doen dit nie regtig nie want ek het ander geskiet wat ook so lyk nog voor die veld afgebrand het. Ek he n week of so met die lig gery en 8 gekry in een aand, almal behalwe een was so grys gewees. As dit wel die witkwas jakkals is dan is hulle seker noe so skaars soos mens dink nie, maar mens moet hom seker nie skiet nie of hoe?

Ambessa, as dit moontlik dan n kruis tussen rooi en witkwas is, sal hy die dieet van die rooi jakkals volg of dink jy hy sal dan goggas en muise eet soos wat die boeke se die witkwas eet?

Groete

Alex

[jaracal]

Hallo Alex
Lyk vir my baie na 'n "Sidestipe". Ek het in die Carolina omgewing al van hulle geskiet en indien hulle daar voorkom is dullstroom maar 'n klipgooi ve^r.
Groete