Die Ou Ballie looi 'n jakkals en vlakvark

[PWV]

Die Ou Ballie se jakkals en vlakvark.

Ja, ek het trots gevoel op die koedoe wat ek twee dae tevore geskiet het. Ek glo hy het na jare op my pad gekom, want so ‘n bul het ek nog net oor gedroom.

Gister het die belowende wolke hul belofte nagekom en 50 mm welkome reën het mens, plant en dier laat jubel. Vanoggend het daar ook nog ‘n paar buitjies geval en die middag het die son ons weer gegroet. Weereens het ek die skepping met verwondering aanskou - alles skoon en vars.

So vieruur se kant laat Koos weet dat ons ‘n draai moet ry.
“Na so ‘n reën kan jy maar seker wees die jakkalse loop rond op soek na prooi of aas”, sê hy. Hy ken die Kalahari - kennis wat hy oor die jare hier opgedoen het en ek dink dat dit jammer is hierdie goeters kan nie op skrif gestel word en vir die nageslag bewaar word nie. “Ons gaan ook so om die aartappellande ry om te kyk of die sonnetjie nie die vlakvarke uit hul gate gejaag het nie.”

Met die tweespoor paadjie na die land en jou werklikwaar hier draf die jakkals asof die wêreld aan hom behoort. Koos draai skuins in die pad sodat ek oor die spieël kan aanlê en skakel die bakkie af. Hy maak ‘n skree-geluid soos ‘n jakkals en ta gaan staan en kyk om. Op daardie oomblik was die kuishare al op sy oor en toe die skoot klap, trek hy soos ‘n lap oor die grond. Met ‘n 168 gr Sierra Match King uit die Tombi op 80 meter, het die jakkals sy hele kop verloor.

En toe om die land. Die sirkel is 500 meter in deursnee en toe Koos vir my die varke wys, skat ek dat dit tussen 250 en 300 meter moet wees.

“Koos, dis bietjie ver vir my - nie vir die Tombi nie. Kan ons bietjie nader”, vra ek.
“Nee Pieta, as ons nader gaan, sien hulle ons en dan kan jy maar vergeet. Skiet man, die goed vreet my aartappels!”

Ek klim op die bakkie se bak om bietjie hoogte te kry en lê die geweer oor die kap. Die teleskoop op 20 vergroting en ek draai die torinkie op die 275-merkie en dan doodstil.
“Kalm wees, Vorster, kalm wees en maak seker”, sê ek vir myself.
Toe die skoot klap, spring die vark in die lug, so asof die geweld van die koeël wat hom in die middel van sy torso getref het, hom oplig. Hy struikel twee tree en bly net daar lê.

“F#k, Pieta, daardie vark sal nie weer ‘n aartappel vreet nie”, laat Koos hoor.

Die volgende dag het JP vir my die afstand met sy Garmin Orgegon 550 gemeet - 309 meter. Skielik dink ek toe aan die bakleiery op die Forum oor die langafstandskiet. Een-skoot, dood-skoot, maar ek het die afstand met 9 meter oorskry! En dan sal daar ook diegene wees wat beweer ek het die koedoe gejag, maar die vark en die jakkals geskiet!

‘n Suksesvolle jag het tot ‘n einde gekom met ‘n koedoe, ‘n jakkals en ‘n vlakvark. Net drie skote en dis verby. Nou maar weer terug op papier waar ek darem meer skote sal kan skiet.

[LongWolf]

Oom PW

dis n mooi "wielneus"

is daar darm n kiekie van die ander 2 ook.

en geluk met jou 3 vir drie - is dan mos n "hatrick"

[uitenwaj]

baie mooi vertel oom Pieter, Jong ek sal daarvan hou om saam oom om 'n kampvuur te sit op so jag en net terug te sit en luister na al die jag verhale.

As trotse SA Jagters lid sal ek oom vergewe vir die 9 meter wat oom oor die 300 meter geskiet het al was dit baie onverantwoordelik, solank dit net nie weer gebeur nie!

Baie mooi GEJAG oom Pieter en moet asseblief nie ophou om oom se mooi verhale met ons te deel nie.

[Foxcreek]

Dankie oom Pieter, dit was 'n verkwikkende skrywe.......maak 'n mens sommer lus vir die veld.

[Smiley]

Weereens mooi vertel Oom PW. Maggies met REGTE toerusting kan dinge mooi gebeur op afstand.

[Johan22]

Mooi geskiet Oom Pieter ja hy sal nie weer by die aartappels kom nie

[PWV]

Oom PW

dis n mooi "wielneus"

is daar darm n kiekie van die ander 2 ook.

en geluk met jou 3 vir drie - is dan mos n "hatrick"

LongWolf, met die skiet van die jakkals en die vark, het ek nie 'n kamera by my gehad nie. So, het die vark eers by die huis afgeneem. Die jakkals was 'n bloed-massa en Koos wou hom nie oplaai nie - in die bosse gelos vir ander roofdiere.
Die koedoe-foto is op my ander post. Jy moet die horinglengte skat!

Baie dankie aan almal wat sulke mooi kommentaar lewer oor my pogings. Ek moet dit geniet, want my myle in die jagveld raak minder en ek kan nie die ou lyf inruil vir 'n nuwer model nie. Tans dankbaar dat ek nog geseend is om die voorreg te benut.
Groetnis.
PWV

[Johan22]

Dan moet Oom maar nader aan die kos pot lood gooi en dan maar van die bakkie af dit doen op 'n kamp stoel

Johan22

[James Wilson]

Baie geluk. Klink of oom dit terdee geniet het. Plus oom het nog oom se kant vir die boerdery ook gebring deur die vark en jak van kant te maak. Netjies

[LUAN]

Waste koeels het oom gebruik op die ander twee? ook matchkings of praat ons nie daaroor
Mooi storie en oom is vergewe vir die bakkie jag

[FHM]

N lekkerrrrrr lees, dankie Oom PW!

[Stasoft]

Mooi storie en varkie.

[Riaan Beeslaar]

Dankie Oom PW
Pragtig vertel en baie geluk met die driekuns
Groete

[Schalk.vdB]

Ek wil ook SO oud word.
Baie mooi storie Oom PW

[theedge]

Baie netjies oom en baie geluk

[Armand9]

Mooi vertel, lekker gelees daaraan oom!
Oom skiet skote waaraan ek nog net oefen!
Groetnis

[JPS]

Mooi vertel oom PWV,

Baie mooi geskiet daar oom, vir 'n ou ballie mag oom maar.

mooiloop
JP

[Marc]

Aaitsa Oom PW

Daai tappel dief se dae is getel, Oom sal moet oppas met daai afstande, een van die dae betreë Oom ook daai afstande

Mooi gegooi Oubaas, daai Varkie was seker lekker vet gewees

[Johan Nel]

Oom Pieter,
Ek het oom se stories baie geniet. Soos wat ek al voorheen ook gesê het, skryf asseblief so voort, ons ander lees graag.

Groete,
JHN

[evdberg]

Oom Pieter, lekker storie om te lees, dankie, laat mens sommer heimwee kry !