Kalahari brand

[Kalahari]

Naand almal

Hier is dinge baie deurmekaar, die rooi duine brand en dit is nie mooi nie. Ek het gisternamiddag 15:00 eerste slagoffer van veldbrand geword, 1 van 8 in die omgewing . Ek skat by my omtrent 200ha afgebrand, maar van die ander boere in die omgewing het baie groot skade gehad. Weerlig was die oorsaak gewees.
Tot op die huidige kon ek gelukkig geen diere opspoor wat gebrand het nie,  meestal kampdrade wat afgebrand het. Die vuur moes baie warm gewees het, staaldrade sommer so tussen niks en nerens stomp afgebrand.
Hier is so 3 foto's om te wys hoe dit by my vanoggend gelyk het, kon nie van die brand gister neem nie, vlammehel het alle aandag geverg.

[img width=560 height=420]http://i1185.photobucket.com/albums/z34 ... ed0c86.jpg[/img]

[img width=560 height=420]http://i1185.photobucket.com/albums/z34 ... 5f0827.jpg[/img]

[img width=560 height=420]http://i1185.photobucket.com/albums/z34 ... 43ebf1.jpg[/img]

Vir elke een wat al 'n boer in nood met brand gehelp het, baie dankie, julle weet nie wat dit beteken vir daardie boer nie.
Groete en mag die reen spoedig val.

[Kalahari]

Vergeet om te se, indien daar iemand is wat weet hoe om met google live op die Gemsbokpark te kyk, daar is huidig 4 vure wat ek van my huis kan sien brand. Net vewonder of iemand nie al dit iewers raakgesien het nie. (ek weet nie hoe om dit te probeer soek nie).

Julle kan maar dophou, die vure gaan nog vir lank brand, hulle word nie geblus nie.

Kalahari

[Fanie]

Kalahari, die tyd toe ek in die weermag was het die weermag die boere bygestaan, water en voer aangery.  Ek dink nie die regering gee enigsinds om vir enige iemand van ons nie, mense is dus op hulle self aangewese.

Jammer vir die brand verlies, ek weet nie hoe mens van hulp kan wees nie.

[Kalahari]

Fanie

Dankie man, ek deel maar net met julle. Al hoe julle manne kan help is op die kniee .
Die boerdery hou mens baie nederig en afhanklik van ons Hemelse Vader.

[grumpy]

Dink aan jou Kalahari. Sonder julle manne is ons sonder kos!!

[Kalahari]

Grumpy

Dankie, waardeer. Ek het nou net een van die ander boere in die omgewing gepraat wat ook gebrand het, hy praat van sover 36 skaap doodgebrand en 40 geskend. +- 3000 ha weiding verloor en dan nog kampdrade ............. bitter sleg

[Fanie]

Ek wil nou 'n dom vraag vra.

Daar waar ons in die Kalahari gaan bokkies vermoor het vir biltong het die maat redelik voorbrande gemaak.  Is dit nie iets wat kan help keer nie ?  Ek weet dit bly steeds 'n bogger want die vuur kan steeds oorloop as die wind waai.

[Kalahari]

Fanie

In ons omgewing is nog nooit so ver my kennis strek voorbrande gemaak nie, (dit terwyl daar reeds 'n vuur brand), die terrein is ons so genadig dat jy meer vuur kan doodmaak met brandpompe en water as wat jou tyd gaan vat om voorbrande te maak, met die risiko van om die brand dalk nog groter te maak.

Brand paaie om jou grond is ook moontlik maar in sterk wind soos nou help dit ook nie en die beskikbare weiding probeer jy maar bewaar. Die weerlig steek veld ook in die middel van die plaas aan die brand en dan help die paaie ook nie. MAAR, ek skiet nie brandpaaie en voorbrande af nie, in sekere omstandighede en omgewings het hulle tog plek en dien as hulpmiddel om brande te bestry.
Die brand op die boer se plaas wat 3000 ha verloor het ook oor 'n gruispad wat onlangs hergruis is en +- 30m skoon was gespring na die ander kant en net eenvoudig voortgebrand . Die wind was verskriklik sterk gewees.

[Fanie]

Ek weet presies hoe dit is, ek het as kind al 'n paar keer heel dag moes vuur slaan en dan waai hy maar net weer op 'n ander plek oor.  Wild en vee is ook nie juis intelligent genoeg om veel te help nie.

Voor verlede jaar is daar in NW 'n paar boere dood as gevolg van brande en groot skade aangerig, ek dink nie die brande het natuurlik ontstaan nie.  Ek het al self gesien die taxi stop, gooi die vuurhoutjie in die gras en ry. 

Wat is die moontlikheid om die "hot spots" van die weerlig te bepaal ?  As daar 'n tendens is dat een of drie plekke altyd geslaan word mag dit dalk die moeite werd wees om daardie kolletjie skoon te hou ?  Mens kan selfs die weerlig aanmoedig om daardie plek te slaan deur dalk bietjie voorbereiding te doen daar.

Die lang torings wat naby grasdakke opgesit word is nie sodat die weerlig hulle moet raak slaan nie, die skerp punte ontlaai die grond lading in die lug en dit voorkom dat die weerlig op daardie plek slaan.

So as dit moontlik is om die weerlig te "trek" op sommige punte en te ontmoedig op ander kan mens moontlik bietjie sukses behaal.  Weerlig is maar onvoorspelbaar en onbeheerbaar, maar wie weet.

[Kalahari]

.Weerlig is maar onvoorspelbaar en onbeheerbaar, maar wie weet.

Fanie, net soos jy se daar, die aarde is net te groot hier by ons. Soos een man vir my se, jy is net gelukkig as dit nie by jou brand nie en by iemand anders. Al die boere is darem paraat met die regte toerusting, so dit help baie.

[Marc]

Dink aan jou Kalahari. Sonder julle manne is ons sonder kos!!

Presies so Grompie 

Baie sterkte aan al die boere wat brand en droogte verliese moes lei, dit moet hartverskerend wees om jou hande werk so te sien verdwyn en daar is nie veel wat jy kan doen nie. Die natuur is soms baie wreed

Mooiloop
Marc

[foxripper]

Jammer om dit te hoor Johan..kon die weerlig darem sorg vir bietjie natmaak ook?

[tau]

Ai Johan dus nie lekker nie. Is dit weerlig brande?

Sterkte aan die boere.

[Naas]

Kalahari baie sterkte met die brande daar.

Die wereld was die naweek aan die brand.

Hier het al min of meer 100 duisend hektaar gebrand in Gobabis.
Net die naweek het 7 plaase afgebran wat teen mekaar le,

Vrydag middag was hier 5 vuure om die dorp binne 100 km raduis.
en van hull brand nou nog.

Ek laai fotos van die grootste brand.en dit is ook die vuur wat die 7 plaase geys het.weerlig was die oorsaak.

Baie sterkte aan al die Manne wat grond verloor het.en wees veilig.

Naas

[Marc]

Dis hartseer, maar tog ook nodig 

Sterkte aan almal wat daardeur geraak is

[NUNAB]

Ons dierbare Hemelse Vader, gaan asb. met al die boere in die tyd van nood.
Het met die van Wyks gepraat wat ook daardie area boer, hulle se dit gaan maar woes en almal is op bystand om mekaar te help. Sterkte  en ons dink aan julle.

[Chevvy SS]

Ai manne, dis baie erg. Dink aan julle.

[Jakkalsgat]

Naas

Hierdie bly hartseer maar ek wil darem net vir jou se dis baie mooi fotos, veral eerste 2

Groete
Jaco