Herlaai Toerusting en Koeel keuse...

[Hartskoot Hennie]

Dagse kerels.

Ek het besluit om self te begin herlaai vir my .375H&H. Ek kry nie konstante groeperings met fabrieks ammunisie nie, en die goed raak duur om so oor die toonbank te koop...

Ek het in die nuwe SA Jagter Tydskrif gesien mens kry 'n Lee Breech Lock Challenger Kit vir R1609.00 by Kloppers wat lyk my die basics bevat om te begin herlaai.

Nou wil ek 2 dinge by julle slim manne hoor... Sal die kit werk vir iemand wat nou wil begin herlaai? Mens kan mos later nog goeters en dinge aanskaf soos mens meer clued up raak? Of moet mens saam met die stel nog iets aankoop? Behalwe nou vir die die set...

Dan, het enige een van julle dalk 'n goeie resep (Quick load) vir die .375H&H wat mens mee kan begin? Maw. Tipe en grein punt, kruit, primer keuse en al die relevante dinge? Ek het 'n nuwe CZ550 Magnum Lux in .375H&H, ek dink hy het 'n 1 in 12 twist en 'n 25" duim loop. Maar ek is nie 100% seker nie, niemand kan my se nie... 

Ek het gesien hier en daar praat ouens van die 270gr Barnes TSX, is dit 'n goeie keuse?

Ek sal regtig die advies opreg waardeer!

Dankie byvoorbaat,

Hennie

[SV MAD (Henk)]

Hi Hennie.

Ek dink dit is 'n goeie kit, vir as jy dit wil gebruik as Jag. baie mense sal se kry RCBS ens, maar mens het nie altyd die budget vir dit nie. ek het 'n lee skaal en kry nogsteeds baie goeie groepe (minder as duim op 100m).

Met die geld wat jy spaar op patrone kan jy dalk kyk na GSC's. In my 375 Ruger is my teleskoop gezero met 300gr Claws op 100m, maar as die 200gr GSC HV insit, dan is hy ook gezero op 200m, wat baie lekker is. Best of both worlds.

[Gerhard]

Vir 'n beginner herlaaier stel ek altyd voor om die beste press en dies te kry wat jy kan bekostig. As jy hierdie 2 items reg koop, hou hulle jou 'n leeftyd, eerder as wat jy na 'n paar maande weer moet opgradeer.

Ek stem 100% saam Ludwig.

Dit is jou fondasie wat jy moet reg het van die begin af met herlaai.

[DWB]

Of kyk na 'n Redding Big Boss II

[tripodmvr]

Ek wil van julle verskil. Ek het later vir my 'n 2de handse "rock chucker" gekoop. Lee se nuwe pers soortgelyk aan die rock chucker is ook van goeie kwaliteit. Met my cheap Lee stel het ek akkurate jagammunisie gelaai. Ek het later nog ander apparaat bygevoeg om die herlaaiery te vergemaklik. Uit 'n praktiese oogpunt sal die Lee intreestel dus die nodige doen.

[Carl]

Hennie, kyk vir 2de hands perse. En terwyl jy spaar herlaai saam met 'n vriend, dan het jy net matryse nodig. Ek is nou al deur vlieghengel,vliegbind, fotografie en herlaai toerusting - koop reg en koop net eenkeer.

[Gerhard]

Ek wil van julle verskil. Ek het later vir my 'n 2de handse "rock chucker" gekoop. Lee se nuwe pers soortgelyk aan die rock chucker is ook van goeie kwaliteit. Met my cheap Lee stel het ek akkurate jagammunisie gelaai. Ek het later nog ander apparaat bygevoeg om die herlaaiery te vergemaklik. Uit 'n praktiese oogpunt sal die Lee intreestel dus die nodige doen.

Ek verskil weer...

Hennie wil begin laai vir sy 375H&H

As dit nie n magnum kaliber was nie ja dan sal n intree stel dalk die antwoord wees.

Maar op n magnum kaliber...

Beste kwaliteit press en dies wat jy kan bekostig om mee weg te spring.

Die ander komponente kan dan vir n begin redelik goed koop wees en met tyd kan jy opgradeer soos dit jou pas.

[tripodmvr]

Die 375 is ook deel van my klompie wapens. Hy was van die eerste wat ek gekry het en ek het baie min ammunisie vir hom gekoop. Alles omtrent herlaaide patrone en hy het selfs met 'n 1-3,5X20 Tasco teleskoop 1dm groepe op 100m geskiet. Alles te danke aan Lee.

[Rasmus]

Ek het self met n geleende lee stelletjie begin. Maar ek moet erken ek het bietjie gesukkel om die 375 met daai klein press van hulle te laai, wat in die lee anniversary kit kom.

Ek het toe later vir my n Lee Classic cast press gekoop. Ek is baie gelukkig met die press, hy werk heel gaaf. Is lekker stewig ens.

Volgens die bemarking ens is die groenes beter maar of hulle dubbel die prys beter is weet ek nie.

Koop die Lee Classic cast press en koop goeie dies en daar gaan jy!

[Gerhard]

Ek het ook met die Lee gelaai vir die Hornet en die 303....

Maar nou laai ek met n Lyman press en die 3006 se resultate spreek vanself.

Ek dink hierdie kan nogal iets wees wat n beginer na kan kyk.

http://www.huntonline.co.za/products/vi ... II-Pro-Kit

[Hartskoot Hennie]

Dankie vir die terugvoering kerels, ek waardeer dit opreg!

Ek lees graag verder...