Gesoek: Stil, subsoniese geweertjie (.22LR?)

[Toxxyc]

Goeiemiddag almal,

So in die afgelope paar maandjies het ons 'n meevallertjie beleef en ons trek nou na 'n kleinhoewe toe. Dis nie baie groot nie, net so onder die 5Ha, maar dis groot en stil en wild genoeg dat daar darem 'n paar bokkies loop, en daar is spore van varke en ystervarke en so paar ander goete ook wat ek so vinnig opgemerk het.

Ek beplan om 'n lekker groot tuin te maak daarso, en ek wil dus kan peste beheer as dit nodig sou wees. Die naaste huis is so 250m, so nie baie ver nie, maar ook nou weer ver genoeg sodat ek gemaklik bietjie op my eie erf kan speel met 'n kleinerige geweertjie. Ek het gedink met iets soos 'n .22LR met 'n knaldemper op sal buurman nooit eers weet dat ek so bietjie speel nie, so dis na so iets wat ek kyk. Klein, lig, stillerig, goedkoop om te skiet.

Ek sal natuurlik 'n mooi nuwe een verkies, maar die begroting is styf, so enigiets wat nog akkuraat kan skiet sal ek waardeer. Ek sal kolwe regmaak en mooimaak en so aan, solank die loop net nog werk. Selfs 'n magasyn is 'n "nice to have" en nie nodig nie, enkelskoot geweertjies werk ook.

Ek weet baie manne het partykeer so ou een wat daar in 'n kas staan van Oupa se dae af wat nie die aandag kry wat hy verdien nie, so ek bied aan om hom die liefde te geen wat hy so bitter graag nodig het. So paar jaar terug het mense die goed sommer verniet weggegee, maar toe was ek hardkoppig en het mos aangedring op 'n CZ, wat toe nooit realiseer het nie.

So ja, hier is ek, en ek wonder, wat kan ek kry, het iemand so iets?

[heywillie]

Kyk op Classic Arms se auctions, ek seker daar sal 'n 22LR deurkom vir 'n goeie prys.

[Ds J]

Daar was n ruk gelede 'n enkelskoot .22 hier op die forum te koop. Ek weet nie of hy verkoop het nie.

[tripodmvr]

Hier was een te koop.

viewtopic.php?p=886454#p886454

[Toxxyc]

Ek het alvergeet van daardie een, dankie Oom Driepoot! Ek sal gaan grawe waar Lapua se nommer is. Ek het daardie geweertjie laat glip, ek is mos retrench net toe ek hom wou bevestig, maar dinge lyk nou beter.

[OosKaapJagter]

Gaan na jou plaaslike geweerwinkels en doen navraag. Die meeste het agter in die kluis gebruikte .22's soos boedelwapens wat ingehandig is en net daar staan. Dit is gewoonlik die nuutste modegiere wat uitgestal word op die voorste rakke.

Jy sal gewoonlik so wapen teen 'n baie billike prys kan bekom en het geen drama met koerierdienste om die wapen by jou te kry nie. Ek het op hierdie wyse twee Anschutz geweertjies met teleskope gekry vir R3500 en R5500 onderskeidelik.

Classic Arms se mees onlangse aanlyn veiling was die afgelope naweek, so daardie bus is verpas tot die volgende veiling plaasvind. Daar was 'n hele klomp .22's te koop.

[Fanta300]

Daar is ‘n hele paar hier by die winkel waar ek deeltyds betrokke is. Laat weet jou

[Toxxyc]

Dankie Fanta, waardeer dit.

Ja die geweertjie van Lapua was pragtig, met 'n teleskoop en alles. Die ding het aan my hartsnare gepluk, maar nou ja, daar is geen salf aan te smeer nie

[alecjohnson]

As jy een kan kry, 'n Brno Mod1 met knaldemper tjoepstil, hoor slagpen en dan impak. Die roer is subsonies met standaard ammo.

[Fanta300]

Brno is eerste prys maar ek sien hulle word al geadverteer vir R10000?

[Toxxyc]

Ja mense se pryse is bietjie rof. Fanta ek dink dis die gunshop waar jy betrokke is, hulle het my gebel met 'n goeie aanbod, maar ek kan nie daardie geld spandeer op 'n nuwe geweer nou nie. Dis net nie op die boeke nie.

[Fanta300]

IMG_0100.jpeg

IMG_0101.jpeg

IMG_0102.jpeg

BSA met buis magesyn. R1000.00

[Toxxyc]

Daardie lyk netjies! Hoe lyk die loop en aksie as ek mag vra? Nog netjies? Sal hy nog 'n coke blikkie op 50 m kan tref? Indien so, vat ek hom!

[Fanta300]

Die gunsmith was nie vanoggend daar nie maar sal vra dat hy hom more bietjie diens en sommer ‘n groepering skiet op 30m. Behoort goeie aanduiding te wees. Laat weet jou.

[Toxxyc]

Lekker, dankie man, dis great. Ek sal sy kolf bietjie mooimaak, en dan kan ek met hom speel!

[vossie1]

Ek dink dis n goeie koop vir jou behoefte, lyk of hy genoeg vleis voor op die loop het vir n silencer. Kyk vir een wat oor gly om koste te bespaar of laat Oom Fantie hulle vir jou thread sny.

[Toxxyc]

Ja ek dink ek moet sommer die draad laat sny en klaarkry. Dan is dit gedoen en ek kan rustig 'n dempertjie soek.

[HeinM]

Fanta,

Lig daardie slot nie te hoog vir 'n scope nie...

[Toxxyc]

Man vra die belangrike vrae hierso, want ek weet nie. Wat ek van .22LRs af weet is gevaarlik.

[Ds J]

https://www.emma-rifles.co.uk/product/b ... ion-rifle/

Dit lyk na dieselfde model. Daar is nie voorsiening vir 'n teleskoop nie, en die slot maak direk boontoe oop.

Is daar 'n moontlikheid om 'n rewolwerteleskoop op te sit?

[Giepie]

Wil nie die draad kaap nie, maar wie het ervaring van die 3D printed silencers? Ek wil 'n slip-on vir my Krico laat maak.

[Toxxyc]

https://www.emma-rifles.co.uk/product/b ... ion-rifle/

Dit lyk na dieselfde model. Daar is nie voorsiening vir 'n teleskoop nie, en die slot maak direk boontoe oop.

Is daar 'n moontlikheid om 'n rewolwerteleskoop op te sit?

Lyk of mens die montering baie vorentoe sal moet maak, en dan 'n brug sal moet opsit wat die teleskoop agtertoe bring. Sal hoor wat Fanta te se het, ek gesels met hom in die agtergrond.

[Toxxyc]

OK ja daardie enetjie gaan nie werk nie. Die teleskoop issue kan ons oplos, maar die silencer wat die reloading tube blok het nie 'n uitweg nie.

So ek loer voort!

[Fanta300]

Ok, soos Toxxyc sê, hierdie een gaan nie werk vir hom nie so ek soek voort.

Indien iemand anders belangstel in hierdie een, laat weet my.

[OosKaapJagter]

https://classicarms.co.za/product-categ ... re-rifles/