Op soek na Portugese Mauser aksie

[Suikermuis]

Goeiedag almal

Oom wat ek ken in die Upington omgewing is op soek na bogenoemde aksie. As ek hom reg verstaan besit hy n 243 wat op die aksie gebou is en wat nou n probleem het.

Is daar miskien iemand wat so aksie het wat bereid is om te verkoop, of weet waar mens dalk so aksie in die hande kan kry?

Groete

[tripodmvr]

Kan die probleem met die aksie nie goedkoper aangespreek word nie - onderdele kan gemaak word?

[Suikermuis]

Oom Marius dis dalk moontlik, ek weet nie. Dankie vir oom se inset, ek sal dit vir hom noem. Ongelukkig het ek nie al die inligting rakende presies wat die probleem is of wat dit veroorsaak het nie. Die oom het wel vir my genoem dat hy by n wapensmid was (ek weet nie wie of waar nie) en dat die smid nie kans gesien het om die herstelwerk te verrig nie. Ek neem dus aan dat die aksie in die betrokke smid se opinie sodanig beskadig is dat n nuwe aksie die beter opsie is.

Weereens, ek het nie al die inligting nie. Die oom het my gevra of ek dalk n Portugese Mauser aksie het. Ek het nie op die oomblik een wat ek wil verkoop nie, maar ek het hom belowe ek sal probeer uitvind waar hy dalk een kan kry.

Groete

[tripodmvr]

As hy nou begin verander aan die geweer is dit maar net nog 'n 6,5mm geweer en sal sy historiese waarde verval. Hy kan dan veel eerder geld op 'n moderne geweer spandeer.

[Pappabeer]

Daai aksie is nie gemaak om n .243 se 60K PSI te hanteer nie. Die Portugese Mausers het by 45K psi gewerk met die 6,5x58 rondte. Dit verklaar 10:1 hoekom hy in die eerste plek die probleem het.

Sy beste kans gaan egter wees om n voos Portugese mauser by Classic Arms te koop vir so R2500-3500, indien hy wil voortgaan.

[470rigby]

Ek het ene wat hy verniet kan kry, maar hy is nie volledig nie (kort magasynkas)

[Suikermuis]

Goeiedag almal

@Oom Marius
Die wapen het waarskynlik sentimentele waarde en vandaar die motivering om dit eerder te probeer herstel as om n ander wapen te koop.
Indien dit nie die geval is nie, dink ek die maklikste manier om die probleem aan te spreek is om n nuwe Howa met n bull barrel en n lekker stywe twist aan te skaf. Sommer te Ackley ook terwyl mens nou besig is. .

@Pappabeer
Ek stem saam die aksie is nie sterk genoeg nie en was verbaas om te hoor dat n 243 op die aksie gebou is. Soos jy sê, dit is waarskynlik wat die fout veroorsaak het. Wat my bekommer is die feit dat dieselfde probleem heel moontlik weer veroorsaak sal word agv te hoë druk vir die aksie. Om die aksie te vervang met nog n Portugese aksie gaan dalk nie die probleem oplos nie.
Ek het vir die oom genoem van Classic Arms, dankie.

@470Rigby
Dankie vir die aanbod. Ek sal die oom daarvan in kennis stel en met jou in verbinding tree sodra ek iets van hom gehoor het.

Groete

[Frikjordaan]

Ek het ook 'n portugese mauser kompleet maar agterste vizier is verflenter .
laat weet as ek kan help
Frik

[projagter]

Ek sal nie 'n moderne hoëdruk kaliber op 'n Portuguese Model 1904 Mauser-Vergueiro aksie laat bou nie. Nie daarvoor geskik nie.

[Jake1]

Soos Dewald en ander gesê het, solank hy weet n Portugeuse aksie is beslis nie bedoel vir druk van 243 rondte nie.

[deserthuntr]

Suikermuis ek stel ook voor dat jy Classic Arms nader, dink hulle het juis nou 'n Portugeuse Mauser vir minder as R2000 te koop.

Dan wil ek net noem; julle is heeltemaal reg in julle redenasie oor die druk waarvoor die aksie gemaak is, MAAR hierdie en baie ander ouer 6.5mm aksies is baie sterk en kan maklik tot 52000psi hanteer. My skoonpa het 'n .308 Musgrave wat op presies so 'n Portugeuse Mauser akssie gebou is. Die geweer skiet nou al vir 30 jaar mooi reguit en is bitter akkuraat. Daardie aksies is bitter sterk. Selfs die Italianse 6.5x52 Carcano wat deur vele Amerikaners as "rubbish" beskou is (wat heeltemaal nonsens is) is bitter sterk en kan maklik druk van 60000+psi hanteer met gemak. Een van die groot bek Amerikaners het probeer om 'n Carcano aksie op te blaas met C4 plofstof en kon dit nie regkry nie. Hy het 'n ronte met plofstof gelaai en die aksie het niks oorgekom nie. Dit was met ongeveer 95000psi se druk! Hy het daarna 'n Carcano aanhanger geword en 'n hele webwerf begin... Dis maar net my opinie oor dinge wat ek weet van daardie aksies...

Lekker dag en groete

[vlakvarkbeer]

Hi Suikermuis ek het so aksie as jy belang stel PM my.

Dankie Andre

[J le Roux]

Ek dink ons kort meer inligting. Daar is wel die 1904 Vergueiro aksie, maar ook o.a. Portugese besendings van 1937 (my 7x57 is op so askie gebou) en 1941.

Ek glo nie almal was tot dieselfde spesifikasies gemaak nie.

[Ds J]

Een van die swak punte van die Portugese Mauser is die slagpen. As hy breek is dit blykbaar n nagmerrie om hom reg te maak. Daar is maatskapyein die VSA wat voorraad het.