Pa en seun jag in die hart van die Karoo

[joe rocket]

Ons was bietjie Karoo toe om n vleisie en biltongtjie te gaan haal. Dit was weereens een van die lekkerste jagte ooit. Die veld is baie droog, maar is besig om te herstel nadat dit lekker gereën het met opvolg reën. Skote het gewissel van 250 tot 350m. Ek het ook van die bakkie af geklim agter n eland aan wat my vriend gekwes het, en 'n lekker toon geklap. Die bok het ons die plaas gewys, maar kon hom darem kry. 'n Mens kon duidelik sien wie het die ure op die skietbaan deur die jaar ingesit.

[joe rocket]

Let op hoe maer is die blesbok ram. Ou aleenloper. Die Rooihartebees was ook n ou alleenloper koei.

[joe rocket]

Wat is nou mooier as n windpomp met die son wat sak. Ek het n ding vir n windpomp.

[PWV]

Lekker, Joe! Geluk ook met jou klong. Hy het goed geskiet.
Sal later by hom hoor hoe sy pa gedoen het!

[Jurgen Visser]

Nice Jason , ek is bly vir jou part , lekker om die klong so groot te maak , dit is iets wat jy op trots kan wees

[ruaanb]

Netjies ou maat!

[Plaashaas]

Wat is nou mooier as n windpomp met die son wat sak. Ek het n ding vir n windpomp.

Ek ook! Elke windpomp is n monument van swaarkry en droogte.

Geluk met die bokke jong jagters

[Gawie(13mm)]

Aartjie na sy Vaartjie!!!

Geluk manne. Julle het sommer baie mooi gemaak.

[joe rocket]

Dankie manne, ja nee Gawie en oom Pieter die klong het die wissel trofee vir die beste skut en jagter geneem. Vier skote, vier bokke en een mis skoot, wat my skuld was, want die turret was nog op 500m gestel en ek het vergeet om dit terug te draai. Ek was toe in die moeilikheid. Baie trots op die jong man.

[Mellies]

Mooi gegooi!

Met n vleisie...

[JuanVE]

Wat 'n voorreg dat Pa en Seun dit saam kan doen. Koester elke geleentheid. Dis nou pitkos vir die oudag!

[Ben Remington]

Bly maar net lekker....
Met wat se kaliber het die jong man geskiet?

[joe rocket]

Hy skiet met die Groen Mamba 243 ackley. Ek kan nie wag vir die 29 Junie nie dan maak ons weer so.

[Ben Remington]

Dit klink lekker....kyk volgende jaar dan bring jy hom Kalahari toe....dalk kan hy en Myburgh ñ paar varke skiet...

[Heinz Petersen]

Daai mannetjie is meer wapen veiligheids bewus as baie jagters wat ek al gesien het.
Lekker Jason. Geniet hom terwyl jy kan.

[joe rocket]

Dit klink lekker....kyk volgende jaar dan bring jy hom Kalahari toe....dalk kan hy en Myburgh ñ paar varke skiet...

Jissie Ben ons sal moet n plan maak.

[tripodmvr]

Bly julle kon saam die jag ervaar. Die mooi fotos wat die berge, wolke en sonsondergang wys, laat 'n man terugverlang na die Karoo.

[Carl]

Geluk Joe die man het goed geskiet. Dit is erg om daai wild so maer te sien.

[joe rocket]

Dis nie lekker nie, maar na die reën glo ek die veld sal genoeg saam herstel. Om skaap en wild te voer @R 60 000 per maand is nie grappies nie.

[Jean Marais]

Wat is nou mooier as n windpomp met die son wat sak. Ek het n ding vir n windpomp.

Ek ook! Elke windpomp is n monument van swaarkry en droogte.

Geluk met die bokke jong jagters

Lyk my ons is 'n paar wat van windpompe hou..
http://i1242.photobucket.com/albums/gg539/JeanMarais/20150429_181716_zpsytc3mfd0.jpg

Die volgende aand van die selfde ene:
http://i1242.photobucket.com/albums/gg539/JeanMarais/20150430_180513_zpsudvlvsl4.jpg

Geluk Joe, jy en jou bulletjies het mooi memories gaan maak.

[DawieKotze]

Ek is ook baie lief vir windpompe in die Karoo...