Doppe sit vas

[Rooster1089]

Hallo julle,

Ek skiet met .270 howa, met 150gr bruin boksie PMP.
So skiet ek al vir seker 2 jaar met geen probleem.
Die naweek sit daar 3 keer doppe vas?
Is dit maar die "batch" wat ek gekoop het of wat kan die fout wees?

Dankie

[Jean Marais]

Moet jy met behulp van gereedskap die doppe uit die kamer verwyder, of kom hulle bloot net baie moeilik uit?

[Rooster1089]

eers bietjie gesukkel, toe spuit ek bietjie olie in en wag maar so minuut, daarna toe val dit amper van self uit.
Ek het net die cleaning rod in gedruk en net saggies gestoot, toe val die doppies uit.

[Jean Marais]

Kyk of die extractor nie dalk 'n probleem is nie. Gryp hy die doppie mooi vas of nie. Roes in die kamer kan ook 'n probleem veroorsaak. As jy die wapen met Forester bore Foam skoonmaak, veroorsaak dit so 'n nare taaiheid wat dalk 'n oorsaak kan wees. Werk maar deur al die moontlikhede en elemineer die nie-skuldiges

[LoveHenties]

Hoe lank gelede het jy geskiet?

'n Vriend van my het baba in die huis gekry. Baba het gesukkel met kroep en kry toe 'n humidifier, staan langs die kluis... Nie gejag vir 'n jaar daarna nie, en toe hy weer begin skiet, sit daardie doppe erg vas. Bietjie roes in die kamer.

Na polish weer beter. Amper duur les geleer!

[Jake1]

Ek sê ook roes in die kamer.... vat n flitsie en kyk, selle probleem gehad.

[Carl]

Rooster, die kamer moet 100% skoon en droog wees. Moenie olie of ander goed daar binne los nie. Gebruik "Carbon remover" ek spuit die tipe wat vir motors bedoel is en maak goed skoon met 'n mop. Indien daar roes is moet dit met olie ek ligte borsel verwyder word. Verwyder dan olie.

[JR68]

Dieselfde probleem gehad.Kamer ordentlik skoongemaak en probleem is weg.

[Barry Loock]

Oppervlakte roes in die kamer

Aim small, hit big.

[Armand Steenkamp]

My Howa 243 Is by Gerrie Coetzee in Bloem oor die selle probleem.
Sterkte

[Rooster1089]

Baie Dankie julle.
Ek sal vanaand bietjie kyk na hoe die kamer lyk, ek dink dalk 'n bietjie roes kan die oorsaak wees.
Ek gaan hom mooi skoon maak en droog maak en dan kyk wat maak hy.

[Dawid S]

Kenners se of ek verkeerd is:
Saag 'n gleuf oor die punt van 'n "dellstick" ronde hout, sit dan 'n skoon maak lappie in die gleuf met Brasso op .
Sit dan die dellstick na dat jy dit af gesaag het (sowat 200mm lank) in jou boor en poleer so die kamer van die geweer.
Ek het die problem gehad met12br haelgeweer.

[Jake1]

Baie Dankie julle.
Ek sal vanaand bietjie kyk na hoe die kamer lyk, ek dink dalk 'n bietjie roes kan die oorsaak wees.
Ek gaan hom mooi skoon maak en droog maak en dan kyk wat maak hy.

Jy gaan nie noodwendig iets noemenswaardig sien nie, maar maak hom behoorlik skoon ek het myne baie liggies later met staalwol ook gevryf en toe eers was my probleem opgelos. Of vat Dawid hierbo se raad ook.

[243Songdaug]

Het eergister met 'n 270 Musgrave geskiet - kan jou dit sê, die nuwe bruin boksie, wat Saterdag gekoop is, se patrone skop baie meer geniepsig as die bruinboksies se patrone wat al 6 jaar terug gekoop is wat vir my daarop dui dat die lading aangepas is.