Koedoe in Musina

[Donkie]

Al die Koedoe jag stories op die forum het my ook skoon lus gemaak om my koedoe jag met julle te deel.

Ek en 'n paar werks vriende het besluit on hierd jaar se jag seisoen in Musina af te skop. Die feit dat ek nog nooit in die bosveld gejag het nie het my vreeslik opgewonde gehaad, maar terselfde tyd laat worstel oor wat ek moet skiet. 'n Man se budget is ook net so groot en die jag pryse is maar baie vir 'n ou wat nog nie lank werk nie en ek besluit toe maar on net kleiner wild te skiet... Dis darem verbaasend hoe vinnig 'n man se somme klop as jy in die veld is. Toe my gids my stop en se; Eland Eland! en ek deur my scope sien dat dit die agter kwart van 'n koedoe was wat uit die bos uit steek, het my somme dadelik geklop en vat ek toe die eerste skoot wat hy my bied...

Horings: 55 1/4 duim
Uitslag gewig: 217kg
Kalieber: .270
Punte: Hornady SST

[FHM]

Jislaaik Donkie dis n pragtige bul daai - heng man jy maak man jaloers!
Sien dis jou eerste pos - baie welkom en sien uit na jou deelname hierso.

[Jean Marais]

Hallo Donkie. Baie welkom hier op die forum. Hoop jy geniet en leer sommer baie saam met die res van die manne.

Dis voorwaar 'n baie mooi koedoe wat jy gejag het, en beslis 'n voorreg. Hoop jy't 'n trofee gemaak van daai outjie. Hy sal jou nog lank herhinner aan die jagdag.

Van waar in die wêreld is jy?

[Donkie]

Baie dankie julle. Ja ek het verseker die ou laat op stop.

Ek het reeds baie geleer of die forum, ek vind dit baie interesant hier by julle.

Ek is van Winterton in Natal maar werk tans by Bronkhorstspruit.

[Ashley]

Baie netjies Donkie! Welkom hier, geniet die forum.

[win270]

Pragtige dier, Donkie. Jou herinneringe aan jou eerste jag in die Bosveld is verseker iets om met talle te deel. Wat het jy nog gejag met jou .270?

[Boersonderroer]

Blixem , dis 'n Bul daai . Mooi gedoen. Eks skoon jaloers

[Donkie]

win270,

Op daardie trippie het ek 'n rooibok ram en twee vlakvarke ook geskiet, maar 2015 was 'n besige jaar vir my ou .270. Al is dit nie my enigste geweer nie is dit die geweer wat ek die meeste vertroue in het en jag ek omtrent net met hom.

[sako 30-06]

Baie mooi bul, kry nie gereeld so outjie nie.
Nou kan ek nog minder wag.

[Smitstertjies]

Donkie (Johan) Dankie vir die kuier vandag. Ons het lekker gesels. Prag koedoe bul. Ek hoop jy looi die jakkies die naweek.

Groetnis

Martin

[koos 2]

Pragtig !!! geluk aan die jagter

[Plaashaas]

Geluk en welkom donkie. Die mopanie bosveld met sy kremetart bome is magic.

Wie se plaas is dit?

[Donkie]

Dankie aan almal.

Martin ek se vir jou dankie, het dit self geniet. Hoop ook ek kry hulle, maar ek glo ek sal, dankie.

Plaashaas, ek stem. Het my self verkyk aan die kremetart bome. Die plaas eienaar se naam is Riaan, kan nou net nie op sy van kom nie, maar die plase se name is Klein Eden en Belvedere. Was verskriklike lekker plase om op te jag.

[Finfan]

Netjiese stats daar. Baie geluk

[Johansec1]

Baie mooi koedoe!! Geluk!! Dis nie elke dag dat mens so 'n kans kry op so mooi koedoe nie!!

[Frederik]

Geluk met 'n prag koedoe

[Wesson]

Now that is a Kudu! Well done!

[PWV]

Toe my gids my stop en se; Eland Eland! en ek deur my scope sien dat dit die agter kwart van 'n koedoe was wat uit die bos uit steek, het my somme dadelik geklop en vat ek toe die eerste skoot wat hy my bied...

Donkie, dis moerse horings!
Skiet jy hom toe maar in die agterkwart, want dit was mos die eerste skoot wat hy gebied het??

[Donkie]

Donkie, dis moerse horings!
Skiet jy hom toe maar in die agterkwart, want dit was mos die eerste skoot wat hy gebied het?? [/quote]

Nee darem nie, die ou het my net so gaatjie deuri bos agter sy blad gegee. Hy is heeltemal te duur gewees om 'n kwes skoot te waag.