Kalahari Jag

[Alvar]

So breek die tyd aan, om Kalahari toe te ry, vir ons eerste jag van die jaar. Op die spyskaart is gemsbokke en springbokke. Eintlik sal die jag, ‘n jag wees van baie eerstes. Dit sal my eerste gemsbok wees, Lerien se eerste springbok, Nico se eerste jag met sy nuwe Musgrave 7x64, Louis, Marieta en die twee kinders, Lune en klein Louis se eerste jag saam met ons, en ook ons almal se eerste jag in die Kalahari.

Nico, Lerien, Louis, Marieta en die kinders arriveer die Woensdag aand by my huis in Roodepoort, so ongeveer 18h30. Hulle moes die lang pad van Tzaneen af in twee breek. Die Kalahari is darem nie net om die draai nie. Met groot opgewondenheid word daar die aand gepak, terwyl ons n paar koues geniet en lekker grappe maak. So 22h00 se kant was dit bed toe vir almal, want more is dit vroeg uit die vere.

Die wekker roep ons uit droomland uit so teen 02h00. Vinnig die laaste dinge inpak, slapende kinders inlaai, en toe is ons weg.

So 07h00 stop ons en Vryburg vir koffie en padkos, en dat die kinders darem kan bene rek. Volgende stop, Kuruman. Ons stop so 09h00 in Kuruman, en koop gou die laaste vars dingetjies en maak die koelbokse vol ys. Die Kalahari is ‘n dor genoeg plek. Jy wil nie hê dit moet in jou keel ook intrek nie.

Ons arriveer op die plaas so teen 10h30. Dit is hier waar ons die gemsbokke gaan skiet. Van hier af moet ons nog so 140km ry om te gaan kamp opslaan, waar ons die res van die naweek sal bly en ons springbokke skiet.

Op die plaas aangekom, ontvang Renier (snr) en Renier (jnr) Strydom ons hartlik. Ons ry gou om gewere te gaan inskiet, en daarna is ons veld toe. Louis vat so paar skote met sy 7x57 Musgrave voor hy tevrede is en ek en Nico skiet elkeen een skoot. Nico met sy 7x64 Musgrave en ek met my 8x57 Mauser.

Nie lank nie of ons sien die gemsbokke. Daar is besluit dat ek eerste moet skiet, omdat dit my eerste gemsbok sal wees. Ek vra vir Louis om die afstand te range met sy rangefinder. Al antwoord wat ek kry is’n vloekwoord…Louis het die rangefinder by die plaashuis vergeet.

Ek sien sommer gou, dat die afstande vandag naby die heilige merk gaan kuier en ek gee toe my skietkans oor vir Nico. Ek ken my eie vermoeëns, en die gemmies kuier buite hulle.

Ons kry die gemsbokke nog so paar keer en uiteindelik staan hulle reg vir n skoot, ver, maar reg Nico lê aan en laat loop die skoot. Die gemsbok gee so bok spring, en daar trek hy. Hy verdwyn egter agter die bosse. Ons ry so bietjie nader, klim af en loop toe nader. So 40m verder kry ons Nico se gemsbok. Die 160gr Nosler Partition is in, op die blad, deur die voorkant van die longe en het vasgesteek teen die oorkantste vel. Die rekening is oop. Na n vinnige foto sessie, is dit oplaai, en verder soek.

http://s280.photobucket.com/user/agkoni ... 1.jpg.html]http://i280.photobucket.com/albums/kk190/agkoning/Kalahari%20Jag/IMG-20150430-WA0019%20-%20Copy_zpswnji3de1.jpg

Volgende aan die beurt is Louis. Ons kry die gemsbokke en Louis kry skiet kans. Die 7x57 blaf, die gemsbok struikel, en ons kan duidelik sien die skoot is veels te laag. Louis het homself misgis met die afstand. Die trop hardloop en daar is een bok wat uitsak. Louis skiet weer en anker die gemsbok met n skoot deur die rug. Sukses, twee gemsbokke in die sout.

http://s280.photobucket.com/user/agkoni ... m.jpg.html]http://i280.photobucket.com/albums/kk190/agkoning/Kalahari%20Jag/IMG-20150430-WA0017%20-%20Copy_zpsxnyfihum.jpg

Ons neem fotos en laai die tweede gemsbok op. Dit begin laat raak en ons het nog 140km wat voorlê voordat ons kan kamp opslaan. Ons besluit toe dat dit ‘n suksesvolle dag was, en dat ons sal terugkeer na die plaashuis toe waar die voertuie wag.

Oppad terug gewaar ons weer die gemsbokke. ‘n Mooi bul offer n skoot, en ek gryp die geleentheid met altwee hande aan. Die bok staan “quartering too”. Die 8x57 praat en die gemsbok spring. Hy hardloop, maar sy agterbene hol vir sy voorbene weg en hy val om. Hy spring op, maar slaan weer neer, en daar bly hy lê. Groot lekkerte! 3 gemsbokke in ‘n middag. Die Kalahari is ons goed gesind.

http://s280.photobucket.com/user/agkoni ... d.jpg.html]http://i280.photobucket.com/albums/kk190/agkoning/Kalahari%20Jag/IMG-20150430-WA0014%20-%20Copy_zpslieuz6td.jpg

Ons laai die gemsbokke af by die slagplek. Ons sal hulle optel Sondag as ons weer hier verby kom.

Ons pak die pad aan na ons kampplek toe. Ons kom so 17h00 die middag by ons kampplek aan, ons slaan kamp op, steek die vuur aan en gesels bietjie oor die dag se gebeure. Ons drink ‘n paar lang whiskeys, en na ete is dit bed toe.

Volgende oggend is ons op, maak gou n draai op die skietbaan om seker te maak die gewere is nog in na die trip tot by die kamp.

Ons kry die sprinbokke, na nie te veel gesoek nie. Hulle staan mooi stil, die rangefinder sê 240m en Nico laat loop met die 7x64. Die bok val so hard ek is seker ons gaan hom onder die sand kry. Perfekte blad skoot. Na ons fotos geneem het haal ons sommer gou die pens uit daar in die veld, toe is ons weer oppad.

Volgende aan die beurt om te skiet is Lerien. Dit sal haar eerste springbok wees. Nie lank nie, of ons kry weer n trop. Daar staan ‘n mooi ram, maar hy wil nie draai nie en staan reguit weg van ons af. Die rangefinder sê 108m en die skoot loop vir ‘n vrystaatse hart skoot. Die skoot is bietjie van lyn af maar die bok val soos ‘n sak patats. Ons ry bietjie nader en Lerien skiet hom in die kop. Tweede bok plat. Ons neem fotos, haal pens uit, laai op en ry verder.

http://s280.photobucket.com/user/agkoni ... y.jpg.html]http://i280.photobucket.com/albums/kk190/agkoning/Kalahari%20Jag/IMG-20150706-WA0009_zpsmccq0vxy.jpg

Volgende aan die beurt is Louis. Die bokke sien ons en hardloop oor die duin. Ons ry oor die duin en hulle staan op die oorkantste duin. Die rangefinder sê 201m en die skoot loop. Die ram spring weg, maar vorder net so 10m. Perfekte hartskoot. Ons herhaal die prosedure van fotos en pens uithaal.

Ons ry so rukkie en nog ‘n ram bied n skoot. Ek is aan die beurt. Rangefinder sê 218m. Die 8x57 blaf en die 165gr Barnes TTSX doen sy werk. Skoot is hoog op die blad, maar die Springbok val soos n sak patats. Hierna is dit tyd vir middagete. Ons eet vars lewer, sommer so gebraai in die kole. Liplek lekker.

Na middagete skiet Lerien n springbok op 240m. Die skoot is bietjie laag en Nico skiet die ram sommer so in die loop, mors dood. Na n suksesvolle eerste dag van springbok jag, gaan ons terug kamp toe, om lekker te ontspan.

Ons sit om die kameeldoring vuur en ruil ons ervaringe en stories uit van die dag. Die kalahari son sak op n suksesvolle dag.

Volgende oggend is ons skaars deur die kamp se hek of Louis trek eerste bloed op dag twee.

Na die vinnige bloed trek, gaan dit maar stading van daar af. Die bokke is maar skaars vandag en as ons hulle wel kry, maak hulle spore voor ons kan skiet. Na ‘n paar ure se gesukkel kry ons ‘n troppie van 3 alleen rammetjies. Hulle draf so entjie en gaan staan bo op die duin. Rangefinder sê 200m. Ek lê aan en die skoot loop, die ram slaan net daar in sy spore neer. Die twee oorblywende rammetjies draf tot op so 210m. Ek lê aan en die tweede rammetjie bly agter. Ons ry nader en sien die derde rammetjie het net so entjie gehardloop. Louis lê aan en die derde rammetjie sal ook nie weer die son sien opkom nie. Die geluk het ewe skielik gedraai.

Ons haal pens uit, lag en gesels, neem fotos en besluit toe om maar net so een draai te ry end an terug te gaan kamp toe. Die kalahri was goed vir ons. Min het ons geweet wat wag nog daar in sy blad sak.

On ry so draai en ons kom af op n troppie springbokke met rammetjie en ooitjies gemeng. Daar is n mooi rammetjie in die trop en Nico lê aan. En met die stap daar n 15” ram agter n witgat boom uit. Nico skuif die kruishare na die ram toe. Die 7x64 blaf, die ram spring, gaan so paar tree, en val toe reg agteroor, vir die laaste keer.

http://s280.photobucket.com/user/agkoni ... 5.jpg.html]http://i280.photobucket.com/albums/kk190/agkoning/Kalahari%20Jag/IMG-20150706-WA0010_zps1fvoktg5.jpg

Met ligte harte ry ons terug kamp toe. Die Kalahari het ons harte gesteel. Die aand word daar tot laat gekuier om die vuur en ons is hartseer dat ons tyd in die kalahri verby is.

Die volgende oggend breek ons kamp af en skud die sand uit die tente en kampgoed. Maar ons weet, ons skud nie die kalahri sand uit, nie vir die laaste keer nie.

[Alvar]

Hier is nog so paar fotos:

http://s280.photobucket.com/user/agkoni ... c.jpg.html]http://i280.photobucket.com/albums/kk190/agkoning/Kalahari%20Jag/IMG-20150503-WA0013_zps17sbrboc.jpg

http://s280.photobucket.com/user/agkoni ... f.jpg.html]http://i280.photobucket.com/albums/kk190/agkoning/Kalahari%20Jag/IMG-20150503-WA0012_zpsce4i0scf.jpg

http://s280.photobucket.com/user/agkoni ... e.jpg.html]http://i280.photobucket.com/albums/kk190/agkoning/Kalahari%20Jag/IMG-20150503-WA0009%20-%20Copy_zps2y2dc31e.jpg

http://s280.photobucket.com/user/agkoni ... d.jpg.html]http://i280.photobucket.com/albums/kk190/agkoning/Kalahari%20Jag/IMG-20150503-WA0011%20-%20Copy_zpsgjmown0d.jpg

http://s280.photobucket.com/user/agkoni ... 2.jpg.html]http://i280.photobucket.com/albums/kk190/agkoning/Kalahari%20Jag/IMG-20150503-WA0006%20-%20Copy_zpsdqw3efm2.jpg

[Boesman10]

Dit was 'n fantastiese jag. Baie geluk en mooi bokke daardie. Hoeveel het die Springbokke uitgeslag en hoeveel het die Gemsbokke uitgeslag?

[Pvdw]

Lekker lekker lekker, dis al wat ek kan uitkry.

[ruaanb]

Sjoe nou het ek lekker gelees baie dankie vir die deel en geluk met al die mooi bokke.

[Alvar]

Dankie manne! Ja, dit was baie lekker.

@Boesman10: Die Springbokke was so 18kg en as ek reg onthou was die Gemsbokke tussen 105Kg en 115kg.

[Chevvy SS]

Dankie vir die deel!

[Capt. Yoda]

Bitter mooi Bokke daai en baie mooi jag.Jy seker julle skale was reg 18kg klink dam lig vir daai mooi bokke

[Frederik]

Lyk soos 'n baie suksesvolle trippie, geluk.

[Jay Jay]

Hi, baie mooi bokke. Wil ook eendag in die Kalaharie gaan skiet. Dink dit is n belewenis.

[NicoO]

Dit was n great trip! Baie dankie vir die reel daarvan buddy!

[Mellies]

Mooi man!

Met n vleisie...

[Christo J]

Geluk. Wil julle gelukwens met van die bokke se fotos! Dis hoe jagfotos moet lyk!

[goodstuff]

Mooi man!!

[Daniel J]

Lekker een Alvar veral daai groot ram. Jammer ons het die Rooiberg jag gemis. Volgende een. Groete

[PWV]

Daar is nie 'n lekkerder jag as in die Kalahari nie.
Netjies Alvar!!!

[30-0Kwes]

Jis dit lyk darm maar lekker! Mooi gegooi daar

[Chris (vdB)]

Mooi bokke Alvar!!! Netjies gedoen!! Baie geluk

[toelie]

Kalahari bly maar bitter lekker jag, mooi storie en maak n man lus om nou als te pak en te gaan haha

Groete

[koos 2]

Pragtig vertel en baie geluk aan al die jagters !!!

[Langeraat]

Dis ook nog een van my bucket list items. Lyk na iets besonders. Baie geluk manne.

[Sean3006]

Baie mooi vertel Alvar. Dankie dat jy dit met ons deel.