Saterdag se paar springbokkies

[Blackie Swart]

So het ek darm Saterdag n los draai gaan ry daar by Kleinsee. Die weer was lekker koel en bykans geen wind nie. Het my 243 as passasier langs my gehad.Kon darm gedurende die dag darm die 6 springbokke klits.Mag klink na nie baie nie, maar as om dit reg te kry in n kamp wat 33 000 hektaar is ,sonder binne kampe, is maar moeilik. Gemiddelde afstande was maar almal tussen 200m en 400m Die ram aan die heel regs is laaste op 500m geskiet, Weet manne hier dink dit is nonsense om n springbok op daai afstand te skiet ,maar met die burris scope op die 243 klop ek gereeld die bokke op daai afstande in die kop en nek.Bokke was geskiet vir die klub om te verkoop.Kyk ook na die mooi stel horings wat die ram gehad het.
Groete
Blackie

[Biltong]

Wel gedaan en baie mooi horings op daai ram.
Ek gaan darem ook eersdaags 'n par springbokkies jag -sien baie uit.

[win270]

Mooi bokke en goed geskiet!!

[Carl]

Mooi geskiet, paar netjiese ramme daar.

[Jakkie 321]

Blikskottel gee bietjie meer inligting oor daai scope!!!

Groette

[Blackie Swart]

Naand Jakkie 321.Dit is n Burris Elimanator 3. Hy loop soos n droom en geen twyfel meer om n skoot op lang afstande te neem nie. Het dit op n Remington 243 van my. Het nou al al my ander wapens begin verkoop want ek skiet net my 243 deesdae. Werk vir my in die dag en nagskiet.Die helderheid in die nag het wel nog tekortkominge maar andersins is dit n goeie scope in my oe.
Groete
Blackie

[HJA]

Hallo Blackie,

Mooi bokke en lekker gegooi.
As ek mag vra wat is jou ammunisie vir daai 243 ?

Henk

[Alwyn]

Blackie Mooi gegooi Mnr!!!

Ek wil ook weer gan springbok jag

Weet nie hoekom nie maar bly een van die lekkerste jagte!!

[Arnold]

Lyk sommer lekker, mooi gegooi!

[william007]

Baie mooi bokke daai
baie mooi geskiet blackie baie geluk
Dis lekker as hulle so hang

[Kallie Fernhout]

Mooi Blackie wat is daai bokke se gemiddelde gewig as ek mag vra

[Blackie Swart]

HJA Ek skiet op die oomlik n 100gr PMP pro-aim punt wat ek laai in PMP dope met S 365 kruit. Gooi so 39,5gr in die doppie wat my n spoed van ongeveer 2950fts gee.Skiet die swaar punt want my geweer het n 1/10 twist en help sommer vir die wind ook.
Kallie : Die bokke hier het net groot lywe maar nie rerig gewig nie. Vir die tyd van die jaar het die ramme n gemiddelde geweig van so 16 na 19 kg. Na Augustus- September is hulle vetter en kry jy van die ramme wat tot so 22 na 24 kg uitslag. Hulle is maar klein maar eet baie lekker.
Groete
Blackie

[tripodmvr]

Sien jy het 'n sopkoppie geskiet vir sagte vleis vir die manne wat op hul gums ry.

[Blackie Swart]

Middag tripodmvr. Ja nee daai is die lekkerste kook vleisies daai. As n reel skiet ek hulle nie maar soms begin hulle sulke batchelor troppies maak en moet hulle uitskiet voordat hulle groot word. Tydjie terug probleme gehad met die jong rammetjies wat groot ramme so besig hou om te baklei in die trope, dat die ooie nie gedek was nie. Gevolglik was daar baie min lammers wat aangekom het. Vandat ons hulle nou looi, is daar orals lammetjies te sien in die veld.
Groete
Blackie

[Frikadel]

Baie mooi bokkies.

[Geno]

Ek skiet op die oomlik n 100gr PMP pro-aim punt wat ek laai in PMP dope met S 365 kruit. Gooi so 39,5gr in die doppie wat my n spoed van ongeveer 2950fts gee.Skiet die swaar punt want my geweer het n 1/10 twist en help sommer vir die wind ook.

Probeer 'n 87gr V-max. Jy sal verseker aangenaam verras wees!
100gr PMP het 'n G1 BC van .319
87gr VMax het 'n G1 BC van .400

Die ligter koeels sal baie beter in die wind doen as die 100gr PMP agv die beter BC en hoër spoed.

[Hein (Haan)]

Ek stem saam met Geno.
Jy behoort daai Vmax so teen 3250vps ook nog te skiet wat ook al klaar n groot verskil sal maak.

[HJA]

Goeie middag,

Jammer ek hijack die oorspronklike pos.
Hoe sal die (hornady) 95gr SST en 85gr HPBT(sierra) doen in wind en langer afstande ?
Dit is nou in die 243 Win 1-10".

Ek luister graag.
Dankie
Henk