Impala punte vir JAG

[Stefan764]

Naand maats

Kan julle bietjie trugvoer gee oor Impala punte? Enige kaliber.

Ek is lus om van hulle te laai vir jagdoeleindes, maar is al deur baie manne banggepraat wat se hulle vlie net deur en beskadig nie die "vitals" genoeg as jy n bok skiet nie.

Hoor graag van julle ondervindings.

Dankie
Stefan

[Danie Lombard .243]

Hallo Stefan

Hier op die forum is al lekker gesels oor die impala punte.
Party manne haat hul en ander sweer weer by dit.

Ek is gaande oor die impala punte. Hul is vinnig, akkuraat en skop min terug in my .300 WM.
As jy enige dierasie deur die hart en longe skiet met enige patroon, solid of holpunt, .22 of wat ookal gaan hy val, of dit op die plek is en of dit 150 meter verder is, hy gaan val. Ek gaan nou 'n stelling maak en ek hoop nie ek word voelvry verklaar na ek dit gaan se nie. 

Skuts soek rede vir hul swak skoot plasing.  Die geweer of die punte kry geweoontlik die skuld vir 'n swak geplaaste skoot. 99% kry die areme punt die skuld.

Vriend van my het die afgelope jag seisoen twee gemsbokke op die plek laat val met impala punte. "one shot kills". As dit swak punte was sou die gesmbokke gese het  "ons dink fo***ol van jou geweer en punte" en hul sou so lekker draf draf verdwyn het. Dit was glad nie die geval nie. Inteendeel, hul weet nie wat hul getref het nie.

Hier is sekerlik maters wat al langer as ek jag en baie langer as ek leef. Maar ek het al my kant gebring met die jag besigheid. Ek het nog nooit 'n punt gesien wat 'n bok so kan laat bloei by die ingangs wond soos wat 'n impala dit kan doen nie. Ou Stefan,  'n bok bloei erg met 'n skoot van 'n impala punt. Die super duur mono's kan gaan slaap as net ingangs wond diameter in ag geneem word. Vleis skade is nie teenwoordig nie. Dit is minimaal. En die punte is baie akkuraat. Groot plus punt, jy is nie bankrot as jy dit aankoop nie.

Ek is gaande oor hul

My menig.

Danie

[Jagtersdok]

Stefan

Ek en Daantjie kat is groot maters, stem gewoonlik oor 99% goed saam, maar die is die een punt en ding waar oor ons verskil. Hy vrek oor die goed en ek vrek eerder voor ek weer met dit jag.

Wat ek jou wel wil s?. Moenie altyd na ander manne luister nie. Ja die enigste bok wat ek in my lewe gekwes het was met die verdomde goed. As jy prakties gaan kyk maak die koeel die meeste skade wanneer hy vervorm.

Maar hier is nou die ding wat ek geleer het met als in die lewe. Vat 'n teorie, of nuwe ontwerp of wat ook al, laai die goed en gaan toets self. Slegs dan en dan alleen sal jy werklik weet of dit waar of vals is. miskien is jy ook soos Danna versot op die goed. Moenie dat ander manne soos ek wat slegte ondervindings gehad het jou van die begin af afskrik nie. Al wat ek net nog wil s?, moet nou nie op die duuuuuuurste bok gaan loop toets nie. Begin maar by Rooi of Blesbok se kind en vat ander ammo saam as jy meer bokke wil skiet en dit werk dalk nie.

[Stefan764]

Dankie Danie en Dok

Ek wil egter saam met Danie stem oor ons as jagters se ego's. Dis baie maklik om eerder die punt te blameer as om self te erken jyt bietjie getrek en die vitals gemis.

Oor die ingangswond wil ek bietjie meer hoor by jou Danie. Ek het al die punte mooi gaan bekyk en self met oom Kobus gesels oor hulle en die ding wat hy genoem het wat my gevang het is presies dit wat jy nou oor praat, die ingangswond. Hy se (en jy sal dit seker kan beaam) dat daai vlymskerp randjie op die punt insny (wat tog sinmaak as jy die spiral in ag neem) en n perfekte ronde gaatjie in n bok se vel maak. Die gaatjie trek dan nou ook blykbaar nie toe soos met n normale tipe punt nie. Klink vir my na n pluspunt, veral as jy die vitals raakskiet. 

Die vleisskade dink ek nie kan enige ou mee stry nie, klein solid wat nie vervorm nie. Spreek vir homself, maar weereens, skiet die enjin raak!

Danie, wat doen daai brass Impalas teenoor gewone koper jacketed punte met die leeftyd van n man se loop?

Dok, ek stem saam jou ook, dit wat n man toets en vir jou werk, hou daarby. Mens verander nooit aan n wenkombinasie nie, my mening...

Groetnis en dankie!
Stefan

[Biltongjagter]

Ek het nog nie met Impala koe?ls gejag nie, so sal ek maar net s? wat ek prakties in 'n toets waargeneem het.

Impalas uit my .308 geskiet oor 100m in 'n dik pak dro?, glans tydskrifte (dit is 'n harder teiken as alle vlaktewild soorte) is almal gebuig uit die pak gehaal en het sommer kort na penetrasie in die pak van rigting verander. Sommiges het so skerp na impak van rigting verander dat hulle kortpad uit die pak gevat het na slegs 'n twee of drie sentimeter penetrasie in die pak.
Die enigste rede hoekom 'n koe?l buig is omdat hy tydens impak alreeds getuimel het of kort na impak tuimel.

Die tuimel aksie verklaar dalk die baie bloeding by die ingangswond soos Danie hier beskryf.
"Ek het nog nooit 'n punt gesien wat 'n bok so kan laat bloei by die ingangs wond soos wat 'n impala dit kan doen nie."

Dit teenoor suiwer koper, monometaal koe?ls wat in 'n soortgelyke pak lynreguit gepenetreer het en steeds 100% reguit was nadat hulle uit die pak herwin is.

Waarneming in praktiese toets wat ek persoonlik gedoen het juis om vas te stel hoe die Impalas sal presteer in die jagveld.

[jmb]

Ek weet dat manne baie suksesvol was met Impala punte in groot kalibers soos 375. Ek en 'n vriend van my het vanjaar naby Karrasburg gaan jag. Ons albei het 308s saamgeneem. Moes natuurlik heeltyd aanhoor of ons rekke darem styf is en hoekom ons met kleilatte kom skiet. Daar het ek egter gesien dat die Impalas nie in 'n 308 werk nie. Ek het Sierra Gameking 150s gebruik en my vriend Impala 130. In 'n hele paar gevalle met bladskote wat nie hart tref nie het die Impala nie die bok neergesit nie. 'n Skoot op dieselfde plek met die Gamekings het.

My gevoel is dat die Impala punte behoort te werk in vinnige kalibers aangesien die punt ontwerp is vir hidrostatiese skok en nie oopmaak soos 'n konvensienele punt nie. Aangesien al ons skote weens die aard van die terrein ver was(200m plus) dink ek was die Impalaa eenvoudig te stadig uit die 308s om genoeg skade te doen.In 'n 375 byvoorbeeld kan die ligte Impala lekker vinnig gejaag word hier rondom die 3000 fps en saam met die groot deursnee van die punt lekker baie skade doen.

[Armand Steenkamp]

Nee wat    skiet die bok daar waar dit saak maak en hy sal vroer of later val.
Ek glo in daai impalas!

[Biltongjagter]

jmb skryf:
"My gevoel is dat die Impala punte behoort te werk in vinnige kalibers aangesien die punt ontwerp is vir hidrostatiese skok en nie oopmaak soos 'n konvensienele punt nie."

"Myths, Misconceptions and Miscalculations"
"The other popular contemporary misconception results from the assumption that the kinetic energy of the bullet is "transferred" to the target, thereby somehow killing it through "hydrostatic shock".

    I don't know where this term originated, but it is pseudoscience babble. In the first place, these are dynamic - not static - events. Moreover, "hydrostatic shock" is an oxymoron. Shock, in the technical sense, indicates a mechanical wave travelling in excess of the inherent sound speed of the material; it can't be static. This may be a flow related wave like a bow shock on the nose of a bullet in air or it may be a supersonic acoustic wave travelling through a solid after impact. In terms of bullets striking tissue, shock is never encountered. The sound speed of water (which is very close to that of soft tissue) is about 4900 fps. Even varmint bullets do not have an impact velocity this high, let alone a penetration velocity exceeding 4900 fps. Unless the bullet can penetrate faster than the inherent sound speed of the medium through which it is passing, you will not observe a shock wave. Instead, the bullet impact produces an acoustic wave which moves ahead of the penetration. This causes no damage.

    Some people use "shock" in the colloquial sense to describe a violent impact, but it is confusing, especially in connection with the term "hydrostatic" and lends undeserved quasi-scientific merit to the slang. It also tends to get confused with the medical expression attending trauma. We are not describing any medical shock. The word shock should never appear in a gun journal."

Lees volledige artikel oor die mite van 'hidrostatiese skok' hier http://www.rathcoombe.net/sci-tech/ballistics/myths.html#wgpgb

[pietjacobs]

Ek stem saam dat as jy home reg skiet val hy net daar, maar as jy hom nie reg skiet, het jy nie daai "room for error". Ek het die jaar 'n Kudu verloor en 'n blesbok meer as een keer geskiet net sodat hy moet val met die impala punte. Na verder ondersoek het ons agter gekom dat die punt bietjie lig was en dan begin tuimel en dus dan nie meer so akuraat is op die langer afstande nie. Ek weet dat Impala gaan nou 'n swaarder punt uitbring vir die .270.

Toets maar en kyk, maar ek glo maar nog steeds in punte wat omklink.

[jmb]

Hi Biltongjagter dit is bietjie gevaarlik om jouself so sterk uit te spreek na gelang van net een kundige se opinie. Hier onder is 'n paar name wat saamstem met die beginsel van Hidrostaties skok. Ek het ook maar deur na ander ouens te luister gehoor dat die die effek is waarop Impala punte werk. Aangesien hulle glad nie omklink nie en 'n voentoe gesneide skouer het , het die vir my sin gemaak. Indien dit nie die geval is nie behoort hulle dus net so effektief teen wild te wees met 'n 308 as volmantel 7.62 Nato rondtes en ons is almal seker bewus van hoe goed hulle werk. Enige kaliber en enige koeelpunt sal 'n dier doodmaak as die skoot op die regte plek geplaas word hetsy die brein , rugstring of hart. Wat my probleem is met die Impala is die longarea skote waar die gat te klein is om effektieg te wees. Ons het tog al almal gesien dat 'n springbok neerslaan met 'n skoot agter die blaaie wat die hart mis met gewone loodkern punte.


Hydrostatic shock as a factor in selection of ammunition

Various terms are used to refer to the potential for hydrostatic shock effects: energy transfer, temporary cavitation, shock wave, hydrodynamic shock, ballistic pressure wave, etc. A number of ammunition designers and suppliers mention ideas related to hydrostatic shock in their patents and marketing literature: Charlie Kelsey (radially dynamic bullets),[52][53] David Harris,[54] Tom Burczynski (Quik-Shok, Hydra Shok),[55] Bruce McArthur,[56] Federal Cartridge (Hydra Shok),[57] American Ammunition (Quik-Shok),[58] the THV bullet,[59][60] Hornady (Super Shock Tip, SST),[61] Barnes Bullets (Triple Shock),[62] TC Arms (Shock Wave),[63] and Elite Ammunition.[64] One handgun manufacturer has a video showing exploding watermelon heads.[65

[Biltongjagter]

jbm, hierin l? die aller antwoord:
"The sound speed of water (which is very close to that of soft tissue) is about 4900 fps. Even varmint bullets do not have an impact velocity this high, let alone a penetration velocity exceeding 4900 fps. Unless the bullet can penetrate faster than the inherent sound speed of the medium through which it is passing, you will not observe a shock wave."

Geen gevaar daarin om die logika hierin raak te sien nie, siende dat dit harde feite is dat geen koe?l huidiglik bogenoemde impak snelheid of penetrasie snelheid kan haal nie en dus geensins skokgolwe kan veroorsaak in die teikendier nie. 

[jmb]

Hi Bj ek dink jy verstaan my verkeerd. Soos jy sien is daar 'n hele paar punt/koeel ontwerpe wat hul beroep op hidrostaties skok effek. Ek het net genoem dat dit is wat Impala ook doen. Ek is nie 'n fisikus nie en gee ook nie werklik om of die effek bestaan of nie bestaan nie. Ek dink wat impala's aanbetref werk dit in elk geval nie in 308s nie !! Die een persoon wat wel se dit werk gebruik 'n 300WM wat soos ons weet aansienlik haastiger is as die 308 maar dieselfde punt deursnee het. As ons dus vir mekaar se dat die punte nie omklink nie en dat die wondkanaal van hierdie 2 gewere dus dieselfde is, is die enigste veranderlike wat effektieweit aan betref dus spoed. Hierdie is 'n nie wetenskaplike uiters empiriese en glad nie verteenwoordigende afleiding. Die punt waarop ek jou wou wys is dat vir enige enkel opinie is daar in meeste gevalle 'n teenoorgestelde opinie is in hierdie geval verskeie.

[Janjak]

So ietsie uit die midde van Wikipedia.
"Human autopsy results have demonstrated brain hemorrhaging from fatal hits to the chest, including cases with handgun bullets.[4] Thirty-three cases of fatal penetrating chest wounds by a single bullet were selected from a much larger set by excluding all other traumatic factors, including past history.

In such meticulously selected cases brain tissue was examined histologically; samples were taken from brain hemispheres, basal ganglia, the pons, the oblongate and from the cerebellum. Cufflike pattern haemorrhages around small brain vessels were found in all specimens. These haemorrhages are caused by sudden changes of the intravascular blood pressure as a result of a compression of intrathoracic great vessels by a shock wave caused by a penetrating bullet.

? J. Krajsa[5
"

[Biltongjagter]

"It must also be noted that many arguments in favor of hydrostatic shock (or against the arguments of its detractors) are simply intellectually dishonest. Dr. Martin Fackler, a Vietnam-era trauma surgeon and wound ballistics researcher, once observed that a lithotripter (a medical device used to crush kidney stones with sonic pressure waves) produces no damage to soft tissues, despite the fact that a lithotripter produces far more energy than a typical handgun bullet."
Lees volledige artikel hier:
http://www.scopedin.com/articles/editorials/the-fascinating-topic-of-hydrostatic-shock/

In elk geval, net so min as wat 'kinetiese energie' 'n koe?l aandryf uit 'n geweer se loop, eerder as die gas onder ho? druk wat ontstaan as gevolg van die ontbrandende dryfmiddel, net so min veroorsaak of dra die mite van 'hidrostatiese skok' by tot die dood van wild geskiet met hedendaagse koe?ls.

[Danie Lombard .243]

HOERA!! vir jou plasing JANJAK.


Dit is die GROOT rede hoekom antiloop soms op die plek dood neerval na 'n hart/long skoot. Klein are wat bars in en om die brein weens 'n skielike verhoging van bloeddruk weens die tref slag van die koeel wat die longe en of hart en longe. NOU??? Hoe vinniger die spoed van die koeel, hoe groter is die kans vir die brein bloeding effek op die antiloop se brein. My .300WM stoot die 130gr Impala .30kal @3500fps.  Lekker vinnig en plat trajek.

Mooi gestel JanJak.

[jmb]

Danie en Janjak ek dink nie Biltongjagter is so oortuig hiervan nie.

[Jagtersdok]

http://vids.myspace.com/index.cfm?fuseaction=vids.individual&videoid=9314789

Gaan kyk na die video. As dit nie 'n skokgolf is nie, dan is my naam Piet snot.

Jy kan mooi sien die golf maak so boepens waar die koeel omklink en dan raak die golf kleiner soos die koeel deur die jelly beweeg want die energie vrminder omdat die koeel al hoe stadiger beweeg.

[Biltongjagter]

Dit wat ek nou hier plaas, is nie om enige verdere argumente te voer oor die mite van sogenaamde 'hidrostatiese skok' nie, maar om ons as jagters en geweer entoesiaste behoorlik ingelig te maak.
D?t sodat as enige koe?lvervaardiger ooit die vals bewerings van 'hidrostatiese skok' voor jou neus hou om sy produkte aan jou af te smeer, dat jy ten minste 'n korrek ingeligte besluit kan neem voor jy 'n koop besluit neem.
Koop jy dan nog tenspyte van jou ingeligtheid, moet jy maar aanvaar dat jy Piet Snot is  .

Hierdie antwoord is deur Dr Alf Smith, Suid-Afrikaanse mediese en forensiese wond analitikus, wat jare lankal spesialiseer op die gebied en tans vir die Amerikaanse en Kanadese milit?re owerhede uiters belangrike navorsingswerk op die gebied doen, sodat hulle infanterie aanvalswapens so effektief as moontlik op hul vyand aangewend kan word.

Hier volg sy antwoord aan my op my navraag na aanleiding van hierdie forum se wanindruk oor die sogenaamde 'hidrostatiese skok' -

Koos:

Hi dit gaan goed and nee Wikipedia is definitief nie die alfa en omega van die waarheid nie. Die probleem is wikipedia is nie "peer reviewed" data nie.

Hier is 'n paar feite:

Die biomeganiese funksie van bloedvate, dus groot venas en arteries is so dat hulle geweldig elasties is  en groot skommelinge in interne druk kan hanteer sonder om te skeur.  Verder blyk dit dat druk wat gepropageer word op een punt in 'n vat swak getransmiteer word oor afstand, met 'n belangrike caveat en dit is dat die vat self die bron van druk is deur die sametrekking van die wand in 'n golf patroon.

Veraf skade veroorsaak deur sg "hidrostatiese druk"  (daai naam steek ook dwars in die krop want hidrostaties beteken wat????? ) is 'n bron van groot mite en versinsels.

Skeure in die intima ( = die interne laag van die aorta is beskryf as 'n projektiel die aorta direk tref  ( Rich 1968, Rich 1967, Amato 1970 asook 1971)
Veraf skade gebeur nie, daar is baie studies waar transducers in vate geplaas is in proefdiere, hulle geskiet word en dan gekyk word wat gebeur.

'n Naby skoot deur spier naby aan been kan die been breek maar dit is nie die skok golf wat die been breek nie, dis die verplasing van die spier wat die been breek, wat belangrik is, is dat slegs 'n druk golf wat weefsel verplaas skade kan doen, 'n skok golf wat nie weefsel verplaas nie doen geen skade nie.  Ons gebruik skok golwe om nierstene te breek hulle doen geen skade aan die weefsel self nie.

Daar is wragtig soveel misinformasie agv weefsel nagebootste media toetse.

Simulasie kan slegs projektiel gedrag naboots en as enige afleidings gemaak word met lewende weefsel, moet die toets medium die spesifieke biomeganiese entiteit waarvoor jy toets, naboots.

Die probleem is die ous probeer weefsel gedrag naboots. Dit is vals informasie!!!!
Die afleidings wat hulle maak is totaal vals!

Hulle dink die gate in nat papier = gate in spier??????

anyway groete.

jmb, nou weet jy en alle ander waarvan Biltongjagter vas oortuig is, gegrond op ware wetenskaplike getoetsde en bewese mediese navorsing deur eksperts.

[Danie Lombard .243]

Skieters

Ek het 'n Barnes X tripple shock video segement wat ek wys vir leerders tydens toegewyde jagters opleiding kursusse. Op die video is 'n segment waar 'n jagter 'n koedoe 'n lyf skoot gee met die Barnes koeel. Die segment is in baie "slow motion". Daar kan 'n mens duidelik sien hoe drill en trill daai koedoe se lyf as die koeel die blad tref. Die koedoe se hele lyf lyk drill soos gestolde jelly wat in 'n bak is en wat deur 'n persoon se hand geruk en pluk word. Jul verstaan wat ek bedoel met die jelly verduideliking.

Nou of die slim manne dit golwe, drill, trillings, hidrostatiese golwe of wat ookal noem, ek se vir jul, die karkas bewe en drill soos jy dit nie kan glo nie.

My neef was 'n truama dokter by H.F. Verwoerd hospitaal gewees (dit was toe hospitale nog name gehad het) en hy het my vele kere vertel van skiet wonde en die effek wat dit op die ligaam het. So het hy my vertel van 'n boud vleis skoot met 'n jaggeweer op 'n ou. Sy nek en rug werwels was verplaas en gebreek. Nou hoe kan die werwels gebreek en verplaas wees na 'n boed vleis skoot? Dan moet die golwe effek tog waar wees????

Net ter interesantheids halwe. Jare terug het ek 300 solid punte gekoop vir my .270. Ek dink dit was 'n Sierra match tipe koeels gewees. Dit het net soos die PMP .30kal 155gr match punt gelyk, maar soos ek gese het dit was in kal .277 in 130gr.  Ek het vele bokke met daai punte gejag sonder enige probleem. Jakkals ook. Hul baadjies was heel maar hul was morsdood. Vleis skade NUL. So het ek alle verskeie goed gejag met magnus koelle in 'n .223  Vele sukses.
Impala punte is tog veel beter as laasgenoemde solid tipe punte nie waar??

Manne, almal (ek ook) het al iets gekwes in sy lewe, erken dit tog net asb. Skoot plasing is alles.

Jare terug was ek saam met suid amerikaaners op 'n vlakte jag.Wat 'n dag. Hul het alles gekwes. Die ou kwes toe 'n swartwilebees, ook. Die kaliber was 'n .375 H&H en die koeel was een of ander super soort. Dink dit was Remington safari grade (puik ammo), as ek reg kan onthou. My vraag. Hoe de duiwel kwes mens 'n ou wildebeesie met so 'n groot kaliber? Daai super kaliber met sy super koeel moet mos die ou wildebeesie op die plek laat neerval met 'n skoot enige plek op die lyf? Dit is mos 'n .375 nie waar?? Wel maters, dit is blykbaar wat sommige jagters dink. En as jy dink sommige koeels beskik oor tower kragte om die gejagte dier op die plek te dood met 'n tref skoot op die jag dier se karkas, ongeag die plasing moet jy her oorweeg. Ek dink die mense kyk te veel tv en speel te min buite. Praat ek bollie? Gaan kyk na die jag programe op ESPN en kyk na die jag videos. Gaan saam met jagters en kyk wat hul doen. Let fyn op na die skoot plasing. Meeste kan nie vir jou se waar is die hart van die dier nie, ek bedoel presies die ligging. Ek wil 'n stelling maak en se dat die ouens nie kan skoot plasing toepas. En dit alles begin by twee plekke. Hul het nog nooit 'n gejagte dier se ingewande verwyder nie en hul spandeer te min tyd op die baan. As hul op die baan is word daar van die tafel af geskiet oor die russe. Bench rest styl. Ons jag nie so nie. En ek se nie die forum manne maak hul skuldig aan die tipe gedrag nie.

Wag laat ek stop. Ek het vele verhale om te vertel oor skoot plasing. Wie van jul kan onthou of weet van die verhale wat die oumense vertel het oor die oorlog jare, die depresie jare? Die jare toe alles skaars, duur en onbekombaar was? Dit was die dae toe die manne 'n bos tipe antiloop bekruip het en mors dood geskiet het met 'n .22 geweertjie. Net een skoot want ammo was duur en skaars. Hoeveel groot bokke is gejag met 'n .222 Rem?

Skoot plasing is alles. Ek haat bloed vleis. Ek jag nie vir horings nie, ek jag vir vleis. Kop skote is nie altyd moontlik tydens jag kondisies nie. 'n Blad lyf skoot word dan toegedien. Ek soek minste vleis skade. Impala doen dit vir my.

O ja, Sarie en Rooi Rose glans blad tydsktifte is nie vleis en bleod en been nie.(ek grap sommer) Gaan toets die punte en maak jou opinie soos Jag dok gese het. Moet nie die punt afkraak as jy skeef skiet nie.

Mooi gaan julle.

[Danie Lombard .243]

Baie interesante plasing Biltong jagter.

Dit was nou 'n goeie post.

Dankie

[jmb]

Biltongjagter baie goeie post. Die probleem vir my is nog steeds om te verstaan op watter beginsel Impala punte werk. Hulle klink nie om nie dus is hul wondkanaal klein. Ek kan uit ondervinding praat dat hulle nie werk in stadige kalibers soos 308s nie. Skootplasing in ag geneem Danie.Jy is heeltemal reg dat jy kan die grootse kaliber gebruik wat jy wil as jy die bok op die verkeerde plek skiet gaan jy soek. Enige konvensionele punt in 'n 308 laat val 'n Springbok vinnig met 'n long skoot. Die Impala doen dit nie. Dit blyk te werk in 'n 300WM aangesien Danie dit al gebruik het en gelukkig daarmee was. Ek neem aan Danie is 'n baie goeie skut maar selfs hy gaan nie elke keer die hart tref nie. Die ander ouens wat ek al van gehoor het is manne wat 375s gebruik met ligte 200gr Impala punte vir Springbok jag. Die 375 jaag hierdie grein mooi vinnig teen oor die 3000fps. Dit blyk ook baie suksesvol te wees. Dus op watter beginsel werk die Impala dan?

[Biltongjagter]

Danie,

Boude is vol baie sterk spiere - jy het dit seker al gevoel, nie waar nie? 

Nou s? jy: So het hy my vertel van 'n boud vleis skoot met 'n jaggeweer op 'n ou. Sy nek en rug werwels was verplaas en gebreek. Nou hoe kan die werwels gebreek en verplaas wees na 'n boed vleis skoot? Dan moet die golwe effek tog waar wees?

Dr Alf Smith s?: 'n Naby skoot deur spier naby aan been kan die been breek maar dit is nie die skok golf wat die been breek nie, dis die verplasing van die spier wat die been breek,

MAW ander spiere wat daardie verplaasde spier in balans gehou het trek nou die bene soos nek en rugwerwels so skeef dat hulle breek - verplasing van beskadigde spier bring wanbalans in die liggaam mee.

O ja, Sarie en Rooi Rose glans blad tydsktifte is nie vleis en bleod en been nie.(ek grap sommer) Gaan toets die punte en maak jou opinie soos Jag dok gese het. Moet nie die punt afkraak as jy skeef skiet nie.

Daarom het ek uitgespel dat di? teiken van glanstydskrifte veel harder as enige vlaktewild is.
Al skiet jy hoe reguit met twee verskillende soorte koe?ls en een soort verander aanmekaar van rigting binne-in die teiken medium en die ander glad nie, is die ou agter die geweer verseker nie die oorsaak daarvan nie.

Maar nou ja, dis maar 'n grappie glo ek wat jy maak, Danie.

Ek hoop en vertrou net dat manne nou sal besef jy kan nie alles wat aan jou voorgehou word vir soetkoek op eet nie.

Danie, stem 200% met jou saam oor skootplasing - die belangrikste aspek in die hele jag opset!!!
http://www.techfund.co.za/gscshotplacement.asp

Groete.

[222]

Manne

Ek en ons Dr praat gister-aand van die 'hidrostatiese skok". Ek kraak nie die punt af nie want ek het nog self nie met hom gejag nie. Nou hy het die volgende vir my ges?:

"....die tyd toe ons nog oorlog gehad het, en ons wonde behandel het ons baie die "skok effek" gesien. Daar het 'n hele paar manne ingekom met wonde aan hulle kuite en bo-arms, geen been is getref nie. Mens behandel die man vir die klein wond maar na so week begin daar 'n hele stuk vleis vrot. Dit is agv die vakuum wat die koe?l maak en dan "slaan" die vakuum toe as die koe?l verby is, dit veroorsaak weer dat daar van die klein aartjies en senuwees beskadig word. Die grootste faktor wat betrokke moet wees is spoed, dit is die spoed wat veroorsaak dat die skade gedoen word en niks anders nie"

[Geno]

222,
Daardie vakuum staan bekend as die tydelike kavitasie. Dit is dalk wat die "skok" effek toepas???
Die gat/tonnel wat oorbly is die permanente kavitasie.

Groete,
Eugene

[Stefan764]

So wil dit beteken dat as ek n springbok deur die nek skiet met n Impala 110gr teen 2900f/sek sal hy sy nek breek? Dans dit mos alwat ek nodig het? Nie eens nodig vir n range finder nie! n Man se links en regs korrel moet mos op die baan ingestel wees en die op en af sal dan mos in alkgeval op n nekskoot nie saakmaak nie? Nekskaaot mors die 2e minste vleis na n kopskoot, so probleem opgelos?

Of mis ek iets?

Stefan