Heat resistant paint

[grumpy]

Wat sal die hitte aan die verf doen as jy dit op die loop spuit verf in matt?

[blaser]

hitte sal niks doen nie maar sal lelik lyk

[Cobus(Cobb)]

Ek glo nie loop sal warm genoeg vir vir newe effek nie...

[tripodmvr]

Die verf is gemaak om op enjins te spuit, so daar is die hitte effens hoër as wat jou loop behoort te word.

As jy iets op jou loop wil sit kyk na cerakote of soortgelyk.

[Silent Hunting]

Johan,

Daar is 'n lieflike "Matt" High Heat Resistant spuit verf. Kan nie nou die naam onthou nie. Groen blik met ingeboude braai op die label. Maak is iets soos "Petroleum" of iets. Word gebruik om die braais te verf. Lieflike kleur.

Henk

[LongWolf]

Het iemand dit al self gedoen ?
En n 2de vraag is hoe om die voorbereiding reg te doen dat dit nie soos backyard mechanic se brousel sal uitkom nie ?

Ek leer graag!

[Andrew Leigh]

Of kyk na camo tape wat op die loop vasplak as jy 'n camo look wil he.

[Gawie(13mm)]

Niks hou vir ewig nie. Veral nie op 'n roer wat baie werk nie.
Ek het ook na die Ceracoat en ander opsies gekyk, maar nou ja koste is mos maar in ons almal se agterkop.
Op die ou einde het ek die "camo tape" roete gegaan. Ja dit maak die loop taai as jy dit afhaal, maar 'n lappie met terpentyn is net die ding om daai probleempie op te los. Vir R230.00 rolletjie is dit 'n bargain en kan jy twee maal die loop "oortrek".
Enige verf moet aangespuit word om 'n egalig afwerking te gee tensy jy dink die kwashale sal bydra tot die "urban camo" afwerking.
Groete,
Gawie.

[Capt. Yoda]

Hierdie Camo tape plak aan homself vas.Is amper soos n verband en dit los geen gom op jou geweer nie.
Ek gerbuik dit as ek die in bosveld gaan jag en na die tyd rol ek dit net weer van die loop af en bere in die kas tot volgende keer.Mens kan dit baie keer oor en oor gebruik.
Een rol kan so 3 lope doen en ek dink ek het R120 vir die rol betaal

http://ww1.prweb.com/prfiles/2012/09/27/10314026/gI_84667_Camo_form_3.jpg

[Alwin]

Ek het "Spraymate" se "high heat" verf op my LM6 se knaldemper gebruik. Tot dusver hou dit, ook as die ding so warm geskiet is, dat dit sal blase brand. (Ek hou my hande vêr weg!) Dis beskikbaar in "satin" swart en gryserige "silwer". Geen onderlaag nodig nie, onderlaag sal brand.

Voorheen het ek "hammerite" probeer, maar dit brand af na die 2 de magasyn.

Alle gewone verwe sal maar afkrap. Plak die camo tape bo-oor, om die verf te beskerm. Die verf beskerm weer die metaal teen roes, a.g.v. vog (dou, reën, sweet) in die camo-tape.

Cerakote is natuurlik baie duursaam. As jy iemand kan kry, wat dit reg kan aanwend, en jy kan die prys bekostig, gebruik dit gerus.

[zipp]

As jy die tempratuur varieer met guncote kan jy verskillende kleure/ skakeerings kry.

[PWV]

Al die jare wat ek jag het ek nog nooit aan 'n geweer se kleur getorring nie. Laaste klompie jare het ek 'n roer met 'n "stainless" loop - lekker blink. Kon nog nooit agterkom dat die wild wilder geraak het a.g.v. die loop nie. Dink eerder hulle verwonder hulle so dat hulle vergeet om te vlug.

Pine
As jy hier lees, vertel ons of jy jou gewere tydens jou jare in die bos, gekamoefleer het?

Groetnis

[grumpy]

Oom Pieter, die idee is om die glare van die loop in die scope weg te kry. Ek het nou op n ander plek ook die gepost.

Ek het n 4" crepe verband en dit verkleur in tee oornag. Uit gehang om droog te word. Ek maak die punt vas op die KD met n rekkie en draai dit om die loop en kolf. Dit hou die weerkaatsing uit die scope uit en dit camo sommer die voorkant van jou geweer ook. Goedkoop en werk.