Teleskoop dilemma

[Matt]

More manne

Net so vinnig om my probleem waarmee ek sit te verduidelik. Ek het op die stadium 'n .308 met 'n Hakko 4 x 40 op. My .22 lisensie is goedgekeur laas week (wag net vir die kaartjie op die stadium). My plan is om die Hakko te skuif na die .22 toe en dan 'n nuwe teleskoop aan te skaf vir die .308. Dis nou juis waar die probleem inkom. Ek het die afgelope paar dae die hele Teleskoop afdeling hier deurgelees maar kan nie vir myself uitklaar watter teleskoop nie. Die 4 verskillende make wat ek na kyk is (in geen spesifieke volgorde nie) Burris, Leopoldt, Lynx en Nikon. Wat modelle aan betref kyk ek in die klas van 10 tot 15 vergroting met 'n 50mm lens. IR sal definitief lekker wees maar nie 'n moet nie.

Wat sal julle slim mense reken?

[Silent Hunting]

+1 Vir Burris van my kant af. Kontak vir SJ.

Henk

[Louis102]

Matt, alles hang mos af waarvoor jy die teleskoop & roer wil aanwend. Skyfskiet, groot bokke op naby afstand, springbokke op lang afstand, "all rounder", spesifiek vir roepjag, ens.  Tweede is mos maar die begroting, in watter prysklas?  'n "Goedkoopste" of "beste waarde vir geld" klassifikasie gaan nie help dat manne goeie raad gee nie.

Mooiloop
Louis

Die 308's is mos so inherent akkuraat, mens kan sommer maar oop visier ook skiet? 

[Matt]

Silent Hunting, dankie, sal so maak

Louis102: Dis waar wat jy s?, ek moes seker by die begin byges? het. Die geweer word gebruik vir baan skiet tussen my en die kinders, ek het nog nie met die geweer gejag nie maar sal hom aanwend tot op Kudu, Wes en Oos Kaap.

Oop visier het lekker gewerk in die jong dae, maar vandat ek soos 'n glas loerende insek lyk moet mens maar die tegnologie begin gebruik.

Groete

[Silent Hunting]

Matt,

Sit 'n knaldemper op as jy nog nie een op het nie. Kinders sal dit baie geniet. Kan my kontak as jy belangstel.

Groete,

Henk

[Matt]

Henk

Dit is my volgende modifikasie wat ek gaan maak, sodra ek by die huis is sal ek afmetings neem en laat weet. Ek wil sommer vir die .303 ook een opsit. Laat weet my wat ek alles moet meet dan maak ek so.

Groetnis

[JTM]

Klink of 'n 4-16x50 scope vir jou 'n goeie opsie sal wees. Al die vervaardigers wat jy noem maak goeie scopes. Begroting gaan maar op die ou end bepaal vir watter een jy gaan.

[Silent Hunting]

Matt,

Het vir jou 'n PM gestuur.

Henk

[bex]

Ek het onlangs deur dieselfde oefening gegaan en op die ou end n Leupold gekoop, maar die Burris trek my en my volgende een gaan n Burris wees. Die Burris reticle lyk net reg.

[James Wilson]

Matt, as ek nou sommer n growwe stelling kan maak, bly weg van die iR af. Die 308 is nou nie juis n nagskiet kaliber nie, wat ek probeer se is dat n goeie iR scope onodig geld sal opvreet wat jy eerder op n groter scope kon spandeer het. Die groter probleem van die iR is natuurlik om dit gewoont te raak, ek het lank met my 308 in die nag met 110grn v-max geskiet met so n scope die scope het 11verstellings van helderheid gehad, nogtans kon ek nie die verligte kruis gewoont raak nie. As jou skiet lig reg is dan het jy un elke geval nie die iR nodig nie. Spandeer eerder daardie geld van die iR aan n goeie baan scope dis tog iets waar die 308 tot sy reg kom.

[Matt]

Manne

Baie dankie vir al julle raad, word baie waardeer.

Piet Skiet: Die Nikon trek my nogal, ek  wil net eers een fisies in die hande kry om deur hom te kyk.

James: Ek hoor wat jy s? van die IR, sal kyk of een van die pelle een het om eers 'n paar skote te kry met hom voor die finale besluit. Dis gelukkig nie 'n  moet vir IR nie.

SH: Het die PM gekry dankie, en ook ge antwoord.

JTM: Al my vavorsing op die stadium dui in die rigting wat jy noem, soos jy s?, dis die begroting op die einde van die dag.

Dankie manne

Groetnis

[BLOK]

http://jaracal.com/index.php/topic,1458 ... #msg186341

[Jean Marais]

4-16 nikon monarch met milldots. Jy sal nie spyt wees nie.

Ek het self twee Nikons aangeskaf - die 4-16x42 vir my 308 Norma Mag, en 'n 2.5-10x42 vir die 375.
Albei werk soos 'n droom met baie goeie konstantheid en helderheid. Jy sal nie 'n fout maak met Nikon nie.

Groete

[Herman Huyser]

Nikon Monarch 4-16x42

[johnny]

Matt

Laat ek nou maar anders wees,  Leupold 6-20 x 50 ek skiet baan , gong en jag met dieselfde scope, met dun kruishaar, Ek kry settings tot op 300m en as ek n bok range dan stel ek vinnig my setting na daai afstand en skiet, ja dis nie altyd moontlik , maar die dag as daar tyd is dan werk dit 1000,  skiet baie lekker op baan en verstel positief, helderheid is vir my belangrik daarom het ek die leupold gekies. Nee ek het nie deur al die ander gekyk nie, net deur n Nikon en toe besluit op Leupold, maar soos ander se begroting , begroting en begroting, niks anders sal jou besluit so baie beinvloed nie.

Groetnis

Johnny

[cassie_calvinia]

Die 308 is nou nie juis n nagskiet kaliber nie,

mmmm, met 110gr vmax klop hy baie.
dis nou as jy weet hoe

[Louis102]

dis nou as jy weet hoe

Cassie, daai is die geheim!  As jy weet hoe, kan 'n mens met 'n 60mm mortier ook jakkals skiet.

Mooiloop!

[Frikjordaan]

Matt.
My 2 sent

Vir my  is 'n groot veldwydte baie belangrik, nagskiet sowel as in die dag soek ek met die teleskoop op sy laagste vergroting sodat ek wyer veld kan sien.
as ek oog optel of beweging sien dan draai ek die vergroting op sodat die meeste lig deur die scope op die oog val, my ervaring is dat die groter(sterker) vergrotings  minder lig deur laat dan sien ek swakker,  8-10 vergroting is omtrent my "size".

Het opgegee met die Nightforce teleskope wat by 8 vergroting begin; helpers beduie maar ek kyk/soek en vat te lank om te sien waar beduie hulle, 200 meter  en verder is die ogies baie fyn en in ruwe terrein sukkel dit maar om die ogies raak te sien. 

nee wat, 3 vergroting werk beter tot ek die oog in die teleskoop het.

Papier/baan skiet is verseker anders.
mooi loop
Frik 

[Matt]

Naand manne

Baie dankie vir almal se raad, hulp en bystand. Dink net, dit sou darem baie lekker gewees het as ons die beste van elke teleskoop kon gevat het en 'n "Jaracalskoop" kon gebou het, hoe lyk dit, is daar nie iemand daar buite wat dit wil doen nie.

Gelukkig het ek darem nog so tydtjie om te oorweeg, dink, vergelyk ens. Dis mos deel van die lekker om nuwe speelgoed te koop. As jy eers klaar gekoop het dan is daai deel van die lekker verby, so ek geniet maar terwyl ek kan. Sal julle laat weet as ek my besluit gemaak het.

Groetnis