Dop se gat het afgebreek en die res sit in die sizing die- hoe nou?

[Chevvy SS]

Ek het sopas met Redding se Dry Neck lube probeer size. Die eerste een het baie swaar gesize, en die 2de een het nou my probleem veroorsaak.

Hoe kru ek die res van die dop uit die sizing die?

Help asb!

[tripodmvr]

Gaan loer op GS Custom se webtuiste. Hulle gee beskrywing van hoe om dop te verwyder.

[ZKK]

Net so tong in die kies

As n man op n reenerige saterdag oggend in die hardewarewinkel instap met nat hare en vir die verkoopsman vra vir dakstopverf, dan vra n mens nie hoe gaan dit nie...........

As n jagter in n geweerwinkel instap en vir die verkoopsman se hy soek n "stuck case removal kit", dan vra n mens ook nie hoe gaan dit nie................

[Nickvn]

Been there, done it, bought the tshirt

[BLOK]

Haal die decapping pin en neck sizer uit en probeer met n ronde veil hom van agter uit haal. Het al doppe wat se gat adgebreek het in loop kamer vele kere so uitgehaal. Miskien werk dit

[Cobus(Cobb)]

Probeer 'n Tap & Die kit...
of daars 'n ding wat hulle noem 'n "easy out"....die naam is bietjie bullsh1t want dit was nog nooit "easy" nie

Sterkte,

Cheers.
ps, kom deel met ons hoe en wat gewerk het.

[DWB]

Haal die Decapping pin uit.

Vat dan 'n kleiner kaliber dop en smeer hom bietjie superglue en druk hom dan in die ander dop in, laat hom droog word (wees net versigtig met die gom!) En slaan hom van bo af uit met 'n punch

[smitjs]

Dags? manne,
Ek het al uitgehaal deur 'n draadsnyer (tap) in te draai en uit te trek.
Die dikte moet net reg wees.
Groete
Johan Smit

[Kerneels S.]

Die tap (draadsnyer) werk baie goed. Ek het ook al dit gebruik maar soos jy s? maak seker dit is die regte size dat hy nie deur die dop sny en jou die damage nie.
Hoop jy kom reg.
Goete

[Gerard]

Voor jy begin torring aan die die, spuit dit met Miracle Tool (die blik is bruin en wit) draai dit dig toe in 'n plastiesak en sit dit oornag in die vrieskas.  Dit help partykeer.

[Eugene]

As n jagter in n geweerwinkel instap en vir die verkoopsman se hy soek n "stuck case removal kit", dan vra n mens ook nie hoe gaan dit nie................

[Gerard]

Die dop se agterkant het afgebreek.  'n 'Die Saver' (selfde as hier: http://www.gsgroup.co.za/stuckcase.html ) sal nie werk nie en, tensy mens baie gelukkig is, beteken dit 'n nuwe vormmatrys.  Die rede waarom die dop afgebreek het is toe te skryf aan 'case head separation'.  Dit gebeur wanneer die dop 'n breukdeel te kort (van skouer tot basis) is vir die kamer van die geweer.  Die toestand word uitgeskakel wanneer die vormmatrys reg ingestel word.  Die stappe is hier in die herlaaiafdeling onder: GSC Koe?ls - Stel die vormmatrys (sizer die) reg in.

[Jagtersdok]

Die dop se agterkant het afgebreek.  'n 'Die Saver' (selfde as hier: http://www.gsgroup.co.za/stuckcase.html ) sal nie werk nie en, tensy mens baie gelukkig is, beteken dit 'n nuwe vormmatrys.  Die rede waarom die dop afgebreek het is toe te skryf aan 'case head separation'.  Dit gebeur wanneer die dop 'n breukdeel te kort (van skouer tot basis) is vir die kamer van die geweer.  Die toestand word uitgeskakel wanneer die vormmatrys reg ingestel word.  Die stappe is hier in die herlaaiafdeling onder: GSC Koe?ls - Stel die vormmatrys (sizer die) reg in.

Dis soos ek hom ook lees. Dis nie dat die rim "deur getrek" het nie maar wel dat die hele kop af gebreuk het.
Okay soos Gerard s? tensy jy baie gelukkig is gaan dit beteken nuwe matrys, maar jy kan die volgende probeer.
Verwyder die decap pin soos almal s? en spuit daai goodies en laat hom staan.

Nou wat jy 'n ronde vyl "wat soos medium skroefdraad lyk" en sit die matrys in jou bankskroef vas.
Skuif 'n groot "socket" oor die vyl en "draai" die vyl in die dop in soos asof jy sou draad sny, nie te v?r dat hy die dop uitskop nie, maar net genoeg dat hy goed "byt"
Probeer hom nou soos pyphammer liggies uit tik.

Maybe is jy baie gelukkig en hy kom uit

[Frikkie Coetzee]

Gerhard

Waar kan mens Miracle Tool kry? klink handig om byderhand te hou.

Frikkie

[Gerard]

Hier in PE hou twee elektriese/elektroniese ware handelaars dit.  Dit is 'n Momar produk.  Ek het dit die eerste keer gebruik toe ek gesukkel het om 'n Kewer se voor skokbrekers af te haal.  Ek kon nie die boonste boute los kry nie en het later die modderskerms af gehad om beter by te kom. 

My broer het Miracle Tool aanbeveel en ook ges? ek moet dit aanspuit en los vir 'n dag.  So gemaak en die volgende oggend knip ek my grootste vice grip aan die (op daardie stadium reeds ronde) boutkop vas.  Ek gooi al my krag in en haal al die velle van my kneukels af teen die bakwerk en skokbreker soos die bout loskom. 

Sedert daardie tyd was ek nooit sonder 'n kan nie.

[Frikkie Coetzee]

Gerhard

Ek vermoed dit is n kruipolie soos Kroil. Baie dun en dit kruip omtrent in alles in om dit dan los te maak.

Dankie. Ek is die naweek in PE en sal soek daarvoor. Kroil is duur.

Frikkie

[Cobus(Cobb)]

Chevyss,
het jy nou al die ding uitgekry...?? kom vertel ons.

Cheers

[Chevvy SS]

Cob, ek het maar 'n nuwe matrys gekoop..........