'MRS BALL'S' BLATJANG

[Frikkiedbr]

'MRS BALL'S' BLATJANG

Maak 18 bottels ('mild')

612 gram dro?perskes
238 gram gedroogde appelkose
3 liter bruin druiwe-asyn
2 1/2 kg wit suiker
500 gram uie
120 gram sout
5 gram cayennepeper

Om blatjang "hot" te maak, voeg 75 gram gemaalde brandrissie by.
Om perskeblatjang te maak, los die appelkose uit en gebruik 850 gram dro?perskes

Week vrugte oornag in die druiwe-asyn. Kook dan in asyn tot sag en dreineer. Maal in klein stukkies in
'n meul (of versnipper met 'n kombuismes). Gooi die vrugte, suiker (opgelos in 'n bietjie van die asyn) en uie
(gemaal) by en kook in 'n groot pot in die asyn. Die hoeveelheid asyn hang af van die vastigheid, dit moenie te loperig
of te dik wees nie, maar so dik soos die eindproduk in die bottel. Voeg cayennepeper en/of brandrissie by en kook vir
2-21/2 uur. Roer nou en dan met 'n houtspaan sodat dit nie vasbrand nie.

[Fanie]

Hallo Frikkie,

'MRS BALL'S' BLATJANG

Is jy seker ?  Kan mos nie wees nie ! tensy sy 'n bul van 'n miesies is... !

[Frikkiedbr]

Ja ja Fanie ....... Ruk nou die dam onder die eend se boud uit hoor

[smitjs]

Manne, toe ek jonk was en begin werk het in 1955 het my oom Fanie my Mrs.Ball se huis gewys in Retreat daar naby Spottie.
Haar man was oorlede en sy het 'n gesin gehad om groot te maak. Daar was nie versekerings polisse daardie dae nie. Sy het die pot aan die kook gehou en haar kinders groot gemaak met blatjang verkoop. Haar oorlede man was van engelse afkoms.
Na haar kinders al uit die huis was, het sy haar besigheid verkoop en afgetree.
'n Stoere vrou, en ek is oortuig daar is nog sulkes in die land. Dalk loop ek nog een raak ook.
Groete
Johan Smit