Goeie sessies in die helder maan......

[marno]

Nou ja, laas Dinsdag aand het ek bietjie vir Jason gaan bestuur.  Ek mis nie die kans om saam 'n voltydse jagter te gaan om te leer nie.  Ons het naby Koster gejag. 

Daar aangekom en eers gesukkel want die swartes het nie die hekke vir ons oop gelos nie.  Uiteindelik het ons toe begin jag en vinning 'n reun gekry.  Nou ja ons het gehoor die boer het al daar rond gery met die spotlight en skiet op jakkalse en ons kon dit duidelik sien.  Die goed was verskriklik lig sku. 

Nou ja ons het gejag tot so 2:30 toe en kon 3 vir die aand kry.  Jason het verskriklik baie tips gegee en verduidelik wat hy maak.  Ek het vrek baie geleer.

Dankie Jason.

Donderdag aand kon ek vir so uur jag by ons waar die elande loop en kon darem 'n reun en teef binne 10 min kry vandat ek begin roep toe moes ek ongelukkig op pak a.g.v die wind.

Ek moet se die raad wat Jason my gegee het, het kwaai gehelp, veral in die volmaan.

Hier is foto's van Dinsdag aand se 3 en die 2 wat ek Donderdag aand gekry het.

[Jack]

Mooi gedoen Marno

Jy sal daai maanlig tips moet aanstuur asb.

Groete Jaco

[johann]

Mooi gelooi daar!! Ek stem saam daardie tips moet mee gedeel word

[marno]

hahahaa dankie julle.

Wat ek geleer het is klein goedjies wat groot verskil maak, julle weet dit tien teen een al klaar:

1.  Maak dood seker die bakkie is nie duidelik sigbaar nie.
2.  Kies jou staanplek baie mooi in terme van wind
3.  Sit die roeper verder uit as normaal.  Ek het myne so op 100m gesit.
4.  Soek op vol sterkte lig en as jy oog optel, gaan so entjie verby, dim die lig dan en bring hom terug op die oog.  Moet nie op die oog dim nie.  Moet nie heeltemal af dim in volmaan nie.

Dit is maar basiese goedjies wat 'n verskil maak wat ek gesien het.

[Raven]

Dankie Marno,

Ek sal Jason se tips probeer as ek weer met volmaan moet jag. Sal dit definitief in my boekie opskryf.
So ver ek kan vermy ek volmaan, kan nie bekostig om foutjies te maak 
Raven

[Jason]

net n plesier marno,onthou ook: jakke is nie so gepla deur die lig in volmaan soos in donkermaan. ek sal ook nie sommer kwaai dim nie. hou hom maar sterker of totdat jy sien die lig pla hom. ek het egter mog nie agter gekom dat ek minder jakkelse skiet in die vol maan as donker maan. als gaan elkgeval oor die staanplek, as die roeper en staanplek reg geplaas is met n netjies paar klanke en n jagter wat kan raak skiet is daar geen rede hoekom mens nie in die volmaan moet jag.

mooiloop en dankie vir die aand marno, lekker om bederf te wees met n drywer wat mooi bestuur.

[marno]

Dankie ou Jason!

Raves my maat, glo my ek was ook skrikkerig maar na my sessie saam Jason was ek vol moed en het toe Donderdag gegaan en so waar as vet dit werk lekker.  Toe ek die staanplek en die roeper se plasing reg het was die stel binne 10 min plat.  Ek weet dit werk nie altyd so vinnig nie, maar wys mens jy kan net so lekker skiet in volmaan.

[theedge]

Netjies netjies gedoen

[Dirkie]

mooi gegooi daar!

[Dewie]

Hallo oom Marno

Lyk my oom-hulle het baie susesvolle aande gehad ,
daar is 'n paar mooies wat daar l?
Mooi gedoen!!

Groete
Dewie

[Blackie Swart]

Mooi gedoen Marno.Altyd lekker as die jakkalse so val.Moet bieg dat my beste resultate kry ek altyd op die helderste maanligaande.
Groete
Blackie