Expander ball drag

[Lourens]

More Manne,

Wil gou hoor wat is julle raad vir expander ball drag wanneer jy doppe size. Die aantal drag op die expander ball is baie rof wanneer ek my 375 Ruger doppe size. Die dies wat ek gebruik is 'n gewone stel Redding FL dies. Gewoonlik gebruik ek maar bietjie case lube op die expander ball (mits die doppe gewas / getumble word na die tyd) om dinge makliker te laat loop, maar daai lube werk vinnig uit as jy 'n paar doppe gesize het. Soms help dit ook bietjie om 'n nekborsel deur al die doppe te jaag voor die sizing.

Is hierdie die beste manier om expander ball drag op te los of het van julle manne dalk ander raad wat ook goed werk?

Groete,
Lourens

[Vlakvark]

Imperial Dry Neck Lube

http://www.sinclairintl.com/.aspx/pid=3 ... -Neck-Lube

[wingover]

Hi Lourens dit klink vir my of jy dalk n kwessie van klasieke inside  case neck thickening ondervind. Dit gebeur asgevolg van die geelkoper wat mettertyd voorententoe "vloei" en dan n opbouing of verdukking in die binnekant sowel as die buitekant veroorsaak, die doppe se lengte word dan ook natuurlik langer en daarom 'trim" jy dit weer terug na fabriek spesifikasies toe. Forrester maak n gereedskap stuk daar voor wat hulle n "inside of outside neck reamer" noem RCBS maak ook een. As jy vir baie verskillende kalibers laai sal ek jou aanraai om die verstelbare een te kry. Dit sal akkuraatheid verbeter en ook onnodige druk probleme uitskakel.

[Vlakvark]

Ek glo nie .375 Ruger het doughnut probleeme nie

[Frikkie Coetzee]

Lourens

Ek dink jy kan die probleem redelik oplos deur n CARBIDE expander ball te kry. Ek het vir my 243 een gekry by S&O vir my Redding dies.

Die carbide button maak dit onnodig om elke paar doppe te moet lube aan die binne kant van die nek. Ek het nog nie die dry neck lube probeer nie maar glo dit kan ook help

Weet net nie of hulle die kaliber maak nie. Praat met S&O.

Frikkie

[erx]

Bietjie grafiet, sommer van podlood, gesmeer in die nek van so 'n paar doppe. Hy smeer dan die expander ball en loop al hoe gladder.

Groete
erx

[wingover]

Hi Vlakvark jy s? .375 Ruger het nie doughnut probleme nie. Wil jy nie asseblief so gaaf wees om dit vir n leek soos ek te verduidelik nie sodat ons meer kan leer.

[jmb]

Gebruik Mica. Dit is 'n wit poeier smeermiddel. Jy sit dit aan in die binnekant van die nek met 'n nekborsel. Ek het dieselfde probleem gehad met my 375 H&H. Dit voel naar as jy die lever terugtrek. S&O verkoop 'n lekker stelletjie met 3 verskillende grootte boresels wat binne in 'n houer pas wat sommer die Mica bevat en dit help aanwend aan die borsels.

[wingover]

Ek wil nie dom vrae vrae nie maar waar en wie is S&O

[tripodmvr]

Safari & Outdoor geweerwinkels in Pta en die Kaap.

[Gerard]

http://www.safariandoutdoor.co.za/

[Vlakvark]

Hi Vlakvark jy s? .375 Ruger het nie doughnut probleme nie. Wil jy nie asseblief so gaaf wees om dit vir n leek soos ek te verduidelik nie sodat ons meer kan leer.

Ek weet nie wat jy wil weet van 'n Doughnut nie want jy het dit dan self beskryf
Hi Lourens dit klink vir my of jy dalk n kwessie van klasieke inside  case neck thickening ondervind. Dit gebeur asgevolg van die geelkoper wat mettertyd voorententoe "vloei" en dan n opbouing of verdukking in die binnekant sowel as die buitekant veroorsaak

Jy kan ook die search funksie bo aan die voorblad gebruik en doughnut search
maar dit is net soos jou beskrywing Inside neck thickening 'n Doughnut

[Lourens]

Manne,

Dankie vir die raad tot dusver.

Ek het gistermiddag met oom Kassie by S&O oor die probleem gesels en hy het vir my gese dat dit bitter krities is om die binnkant vn my doppe se nekke ook te lube, veral die area waar die nek en die skouer bymekaarkom. Hy het voorgestel om op die groter kalibers (9.3 en op) gebruik te maak van sogenaamde "High Tension Lubricant" wat daar by S&O beskikbaar is om hierdie probleem op te los. Hyt ook gese dat mens op die kleiner kalibers gebruik kan maak van droee grafiet om die nekke te smeer aan die binnekant, dit werk blykbaar baie lekker. Hy is dit ook eens dat die .375 Ruger nie sommer doughnut probleme sal gee nie en dat dit eerder die geval is van 'n droe? nek teen 'n droe? exander ball wat dan groot wrywing veroorsaak en sodoende moeilik size.

Groete,
Lourens

[wingover]

Hi Vlakvark ek wil nie weet van douhgnut nie maar spesefiek hoekom jy glo dat dit nie dit is nie.