Anatoliese honde

tafjak

Anatoliese honde

Post by tafjak » Mon Jan 05, 2009 9:53 pm

Ek wonder of hierdie regtig so swak resultate lewer as wat medeboere in my omgewing wil beweer? Bure van my het al van die honde vankant gemaak omdat van herdershonde glo vee gevang het of doodspeel.

Opleidingsmetodes van hierdie honde is so skaars soos hoendertande.  By navraag vir opleidingsbrosjures of -programme het ek maar altyd 'n bloutjie geloop.

Telers verkoop jong honde teen goeie geld en dan wil van die honde maar net nie die mas opkom teen probleemdiere nie. Nou lyk dit vir my dat dit aanleiding gee vir die ongelukkigheid.

Wonder maar net.

Groetnis

Tafjak

johan
Sr. Member
Sr. Member
Posts: 409
Joined: Thu Dec 04, 2008 9:51 pm

Re: Anatoliese honde

Post by johan » Mon Jan 05, 2009 10:07 pm

Tafjak

Ek dink jy het reg,die sukses le 50% by die hond en 50% by die hanteerder/opleier.
Ek het al op honde baie ver van die trop vee af afgekom in die nag,miskien het hy die jakkals verwilder,maar onthou nou is sy trop skaap onbewaak!

Ek het al jakalshonde ingeroep by RB op Ghwaas :o maar nog nooit n herdershond nie.

johan
"Craftsmanship is a combination of knowledge on how to use tools and of skill with the hands."

User avatar
JACQUES BOTHA
Hero Member
Hero Member
Posts: 2283
Joined: Tue Jan 06, 2009 10:53 am
Location: Bloemfontein

Re: Anatoliese honde

Post by JACQUES BOTHA » Thu Jan 08, 2009 12:12 pm

taffie
ek het gelees GROOTFONTEIN teel nou die honde en lei hulle op...het julle in die kolonie al resultate van grootfontein gekry?????????
ek het so 3 boere wat van die honde het  en omdat hulle nie n hond by elke trop het nie, skiet ek nogsteeds maar dieselfde getalle by hulle.
hulle al drie beweer die honde help maar besef dis net soos dr jackal (heinrich no insult eerder kompliment) se roep is nie die alfa en die omega nie is honde ook nie die alfa en omega nie.
ek weet net by die een boer in brandfort het hy desember weg gegaan en die jong wat die hond se kos moet dophou het die hond se kos laat opraak....en toe vreet die hind maar n kalf...hy het die skaap verlaat ----gaan vreet en weer terug gekom.....
Shoot straight and tell the truth!

LMB
Sr. Member
Sr. Member
Posts: 309
Joined: Sat Jan 03, 2009 4:59 pm

Re: Anatoliese honde

Post by LMB » Thu Jan 08, 2009 8:43 pm

Ek het al twee honde probeer, en ek is te sleg om hul reg te leer.

Die eerste een het op bietjie meer as `n jaar ouderdom spoorloos verdwyn. Daarna baie van my lammers ook. Dit was nie `n hond wat na vreemde mense toe gegaan het nie en het altyd naby skaap gewees. Ek glo die hond was vir "iemand" `n probleem. Terwyl die hond by die lammerooie was het ek ook lammers verloor, maar ek het aanvaar dit was omdat hy nog jonk was.

Die tweede een het vanaf so agt maande begin oor die lyndraad te spring. Daar was geen manier dat ek hom kon leer dat die gras anderkant die draad verbode is nie. Nie eens nadat hy in `n slagyster getrap het by die een buurman, het dit hom afgeskrik nie. Ek glo daar was meer ongdiertes anderkant die draad. Hy het egtrer nooit na enige huise toe gegaan nie, maar was altyd by die lammer troppe. Buurman het natuurlik vas geglo die hond is die oorsaak van sy skade.
Ek het toe maar die hond later geskiet
Die grootste probleem vir my is, as jy so `n hond het, veral as hy die trop verlaat, wat hulle lyk my almal op een of ander tyd doen, is jou skaap onbewaak. Jy kan nie slagyster stel of gif gebruik nie, want jy weet nooit wanneer die hond daar is of nie, veral nie nie as `n ander buurman die hond begin kos gee nie.

In die meeste gevalle weet die bure ook nie hoe om die situasie te hanteer nie, en vererger net die probleem met sy optrede.

Groete
Lukas

johan
Sr. Member
Sr. Member
Posts: 409
Joined: Thu Dec 04, 2008 9:51 pm

Re: Anatoliese honde

Post by johan » Sat Jan 10, 2009 3:11 pm

Dankie Lukas

So uit die perd se bek,daar is egter seker ouens wat beter hondemeesters as ons is.

johan
"Craftsmanship is a combination of knowledge on how to use tools and of skill with the hands."

LMB
Sr. Member
Sr. Member
Posts: 309
Joined: Sat Jan 03, 2009 4:59 pm

Re: Anatoliese honde

Post by LMB » Sat Jan 10, 2009 7:06 pm

Johan

Ek probeer Anatoliese honde afskiet nie, maar dit is beslis nie die wonder middel wat verkondig word nie.
Ek weet en het gehoor van baie wat misluk het, van min wat wel sukses het, en sou graag wil hoor hier op die forum van boere wat dit wel maak werk het.
Dalk oortuig hulle ons om weer te probeer.

Groete
Lukas

johan
Sr. Member
Sr. Member
Posts: 409
Joined: Thu Dec 04, 2008 9:51 pm

Re: Anatoliese honde

Post by johan » Sat Jan 10, 2009 9:19 pm

Lukas
Jy het reg,soos Hein se,probeer als.

johan
"Craftsmanship is a combination of knowledge on how to use tools and of skill with the hands."

User avatar
jaracal
Administrator
Administrator
Posts: 1702
Joined: Mon Dec 24, 2012 8:06 pm
Location: Philippolis

Re: Anatoliese honde

Post by jaracal » Sat Jan 10, 2009 10:18 pm

Lukas
Ek het wyd gejag en is daar nie een boer waarmee ek gepraat het wat sukses het nie behalwe die telers van die honde. Ek praat van Vrystaat, Noord Kaap en Oos-Kaap. Die eerste probleem is die rondlopery van die honde. Die tweede probleem lyk vir my hulle pas meer die buurman se skape op as sy eie. Die derde probleem is blykbaar dat as die lammers/skape waarmee hy homself assosieer of vriendskap bande het, weg geneem word is die hond verward en begin hy rondloop. Vierdens speel hy net soos 'n ander hond maar nou speel hy ongelukkig met die skape en word daar van hulle in die proses dood gespeel en selfs gebyt. Van hulle vang self skaap en het dit spesifiek met ons hier in Philippolis gebeur.
Die honde hou baie keer die lammers van die ooie af weg en vrek die lammers so van die honger. Vyfdens kan hy nie onderskei tussen vriend en vyand nie en dood al wat 'n maanhaar, bak-oor ens wat naby die skape kom. (soveel vir omgewingsvriendelik).

Ek ken nie die honde nie maar ek aanvaar dat die hond soos alle honde trop georienteerd behoort te wees. Die Alpha male is die leier ens. In my onkunde wil ek weet wat sal die hond in sy sogenaamde gebied hou behalwe drade wat hy nie kan oor of deur nie. Moet jy (die baas van die hond) Alpha leier speel, 700 koppies tee drink en julle gebied gaan afbaken elke dag of tweede dag dat die hond kan weet waar die gebied is indien die drade onvoldoende is?

Verder moet die hond gedisiplineer word indien hy oortree, dit kan net gedoen word met 24 uur toesig, veral in die begin. Ek het so 'n bietjie gaan oplees en wil dit vir my voorkom of die honde verkeerd aangewend word. Met die oorspronklike doel en teling van die honde werk die honde saam met 'n wagter. Die wagter is die Alpha Male en die hond is onderdanig aan hom. Op die manier word die skape 24 uur opgepas en vorm die honde in die aand soort van 'n kordon om die skape/bokke. (was spesifiek gewys op National Geografic waar wolwe in USA nou weer voorkom, alhoewel mens nie alles kan glo wat hulle kwyt raak nie - ek bedoel nou oor die honde)

Honde was nog altyd geteel vir jag en beskerming, so word die jag instink van die kelpie bv gebruik om die skape te gaan haal en aan te keer ens. Beskerming is meer vir die eienaars, so ek weet nie of daar nie moontlik 'n verkeerde perd opgesaal is nie?

Ek wonder wie van die persone/boere wat suksesvol is met die honde sal toelaat dat die honde met 'n "sataliet halsband" gemonitor word. Dan kan mens sien hoe ver die hond loop wat sy beweegings en roetine is. Die beste sal wees as ons 'n jakkals of twee in dieselfde gebied kan vang en ook halsband om te sien wat hulle interaksie is.

Daar bestaan 'n persepsie by die publiek dat die honde werk, en word daar wyd en syd gespook om die ander metodes verban te kry, en hulle dink nie aan die gevolge nie.

Daar is by my geen twyfel dat 'n regdenkende persoon sal kan insien dat wanneer roofdiere toegelaat word om te teel sonder dat dit kunsmatig beheer word, dit die natuur skade sal berokken. Veral as die betrokke roofdiere geen natuurlike vyande het nie en waar kos, water en skuiling voldoende is vir die onderhouding van hoo getalle.

Deur 'n argument aan te voer dat deur jakkalse te los hulle minder sal teel is lagwekkend. Ek wonder hoekom skiet ek (of het ek al) in areas waar jakkalse baie is elke 1.5km 'n jakkals paar gekry terwyl daar waar jakkase werklik skaars is kry jy hulle elke 4.5km-6km. Ongelukkig gaan die honde nie die jakkalse se aanteel affekteer nie en kry ek die bure van die honde eienaars maar jammer.

Ek sal ook graag wil hoor van ouens wat werklik sukses het (waar verliese bv 80%+ afgeneem het). Ek sal dit ook waardeer as die ouens wat nie suksesse gehad het nie na vore sal kom om die persepsie wat bestaan dat honde die wonder cure is te wys wat dit werklik is. Hoekom jag ek dan by persone wat honde het indien dit so 'n wonder metode is? vra maar net in my domgeit.

Ek dink daar is plek vir die honde soos jy se maar deur die regte opleiding en toesig.
Groete
H
Vegetarian is an old Bushman word for bad hunter

LMB
Sr. Member
Sr. Member
Posts: 309
Joined: Sat Jan 03, 2009 4:59 pm

Re: Anatoliese honde

Post by LMB » Sun Jan 11, 2009 3:35 pm

Hein

Wat jy s? rondom die probleme met die honde kan ek beaam uit eie ondervinding.
Wat die leierskap betref dink ek dit is die rede hoekom die honde op die kleiner plase, so verstaan ek, werk, waar hy elke dag kontak met sy baas het. In my geval het hulle op `n 4000 ha geloop waar daar niemand gebly het nie. Ek kom normaalweg net 1 keer per week daar. Vir die eerste 6-8 mde het hul egter by my gewees op `n 60 ha waar ek hul redelik kon monitor.
Met my 2 de hond wou ek graag `n band aansit sodat ek die hond kan monitor, veral omdat die eerste een net weggeraak het. Ek kon nie op die regte plek uitkom vir so-iets nie en sou dit in elk geval seker nie kon bekostig nie.
Dit is ook nie maklik  om die honde te leer nie. Jy koop nie net sommer `n hond en los hom tussen die skaap nie. Daarom is dit moeilik om na `n jaar of wat te sien die moeite was verniet.
Ek het aanvanklik gehoop dat die honde sal die sondaars vang, maar ek kon nie dit sien nie. Ons het spore en selfs eenkeer `n jakkals by die hond in die kamp uitgejaag.
Groete
Lukas

tafjak

Re: Anatoliese honde

Post by tafjak » Sun Jan 11, 2009 8:27 pm

LMB

Ek het 2006 Desember 3 jong jakkalse by 'n hond se voerbak gekry. Dit was by Lloyd Short in die Graaff-Reinet area.

Groete

Taffie

User avatar
jaracal
Administrator
Administrator
Posts: 1702
Joined: Mon Dec 24, 2012 8:06 pm
Location: Philippolis

Re: Anatoliese honde

Post by jaracal » Sun Jan 11, 2009 9:50 pm

Taffie
Die jakkalsies was seker honger, die hond het seker maar hulle van hulle se kos weggehou nou steel hulle maar sy kos.LOL
H
Vegetarian is an old Bushman word for bad hunter

User avatar
Caller
Sr. Member
Sr. Member
Posts: 449
Joined: Thu Jan 08, 2009 4:43 pm
Location: Bloemfontein

Re: Anatoliese honde

Post by Caller » Mon Jan 12, 2009 2:05 pm

Ek dink elke hond se onderskeie temprament speel 'n groot rol. Weet van 'n gewone halfwasbrak (teef) wat moontlik vanuit 'n lukasie ontsnap het, wat die werk van 'n anatool veronderstel is om te gedoen het, met groot welslae gedoen het.

Moennie lag vir die intelegensie van 'n halfwas lukasie brak nie, hulle moet uiters slim en vindingryk wees om in daardie toestande en met daardie "base" te oorleef.

Het net die naweek weer klagtes van 'n boer gehoor wie se anatole nie wil werk nie, en wat klaar geleer nageboortes vreet het. As hy eers nageboorte gevreet het is dit nie lank nie dan vreet hy lammers. Di? boer is baie vindingryk en probeer nog eers ander trieks met die honde voor hy gaan opgee. Hy moes ook al sy eerste ou hond van kant maak toe di? lammers gevang het.

Dit wil ook voorkom of die honde beter in kleiner kampe werk, maar my kennis oor hulle is maar beperk.


Caller
Dit is nie wat jy doen nie, maar hoe jy dit doen.

User avatar
JACQUES BOTHA
Hero Member
Hero Member
Posts: 2283
Joined: Tue Jan 06, 2009 10:53 am
Location: Bloemfontein

Re: Anatoliese honde

Post by JACQUES BOTHA » Mon Jan 12, 2009 4:18 pm

EK WEET VAN NET EEN BOER (NIE TELER) WAT REDELIK TEVREDE IS MET SY 3 HONDE.. HY WOON IN DE WETSDORP EN WAAR DIE HONDE SAAM MET SY SKAAP LOOP HET HY GEEN PROBLEEM NIE...MAAR HY HET OOK SY EERTSE 2 TERUG GESTUUR AGV NO WORK NO PAY BELEID...
KOOS IS TEVREDE MET SY HONDE . dAAR KAN  NET SOVEEL HONDE AANHOU EN DIE HOND AS HY DIE SKAAP SKUIF IS GENEIG OM DIE EERSTE PAAR AANDE TERUG TE GAAN NA DIE VORIGE KAMP VIR SY KOS EN WATER--DAAR WAAR DIE KOSBAKKE GESTAAN HET... 
Shoot straight and tell the truth!

User avatar
MEERKAT
Hero Member
Hero Member
Posts: 737
Joined: Sat Feb 07, 2009 8:41 pm

Re: Anatoliese honde

Post by MEERKAT » Fri Feb 27, 2009 3:20 pm

My ondervinding van Anatoliese honde gaan baie negatief klink maar uit ondervinding is dit al wat ek kan se.

Bure se hond het my vrou se hoenders gevang(op my werf)
Bure se hond het my lammers gevang(by lammers gekry)
In kamp met hond,4 jakkalse gesien
Goeie vriend van my se hond, 35 van sy bure se skaap gevang(2 weke gelede)
Jakkalse antwoord in kamp, hond blaf in dieselfde kamp vir Mooihuil
Prys van honde: Kan 30 skipper hondjies koop vir dieselfde geld

Miskien was dit die verkeerde bloedlyne wie sal weet.
MEERKAT

tafjak

Re: Anatoliese honde

Post by tafjak » Sun Mar 01, 2009 4:27 pm

Meerkat

Ek kan onthou van program oor anatoliese honde in Turkye, dit was op een of ander National Geographic kanaal. Honde gaan saam met veewagter uit en help die wagter om sy vee op te pas. Na die dag se werk kom die hond saam met wagter en vee terug kraal toe. Die hond kry sy kos en slaap in hok of iets dergliks om net more weer dieselfde roetine te volg. Weet nog nie hoe die mense dit regkry om iemand te laat verstaan dat honde sonder toesig vee kan oppas en beskerm nie. Enige hond sal later die natuur volg en homself vir tye uit die voete maak en sodoende die vee alleen los.

Dit kan my ma se worshond ook doen, sal seker die ou net 'n Redbul moet injaag as die leeus kom. Snaaks wat mense aan jou kan afsmeer as die nood druk en jy raadop is. Die mooiste advertensies in tydskrifte en koerante hoe om jou skuldlas te verlig om net daarna in 'n groter gat te val!

Die deursnee boer sal altyd op sy grond bly en die beste maak van enige saak, kom wat wil.

Taffie

User avatar
Christo
Hero Member
Hero Member
Posts: 3219
Joined: Fri Feb 06, 2009 10:04 pm
Location: Koue Bokkeveld

Re: Anatoliese honde

Post by Christo » Tue Mar 10, 2009 8:27 am

Ek sien gisteraand weer op 50/50 die Amerikaanse vrou met die Luiperds in Namibia wat weer die ding van die anatoliese honde aanraak. Sy s? dat sy die persoon was wat die honde aanvanklik ingebring het en dat die honde spesifiek goed werk teen jakkelse soos wat hulle werk met die coyote in Amerika. Miskien het sy nog nie die forum gelees nie anders so sy geweet het wat die ouens se gevoel is oor die honde.

Christo
Het ek maar net alles geweet. Jakkalse is slimmer as ons, ons maak hulle superslim.

tafjak

Re: Anatoliese honde

Post by tafjak » Tue Mar 10, 2009 10:32 am

Christo

Die ding met honde het nog 'n lang pad om te loop en ek twyfel of dit eendag sal werk, ek praat nou van 'n oplossing. Weet darem nie. Geen dier kan 'n ander oppas en dit sonder toesig en beheer van 'n mens nie. Snaaks dat ons vandag nog mense kry om ingeligtes te probeer ompraat om van beproefde metodes ontsae te raak. Op papier was die All Blacks nog altyd 'n gedugte span, maar probleem is dat die game op gras gespeel word.

T

Pieter E

Re: Anatoliese honde

Post by Pieter E » Tue Mar 10, 2009 11:41 am

Projag

Ek lees elke dag dosyne e-posse en ander skrywes oor probleemdiere en ek moet s?: ek dink jy het die beste oplossing wat ek in 'n lang tyd van gehoor het!

Groete

Pieter E

Cois
Full Member
Full Member
Posts: 192
Joined: Thu Feb 05, 2009 11:26 am
Location: Rouxville
Contact:

Re: Anatoliese honde

Post by Cois » Tue Mar 10, 2009 6:01 pm

Dagse manne

Ek het nie self ondervinding van die honde nie maar nie ver van my af bly n teler en die man self het net een hond wat hy gebruik. Die res het nie die paal gehaal nie en na die bure getrek net om daar skade te gaan maak. Het nou die aand by n ou gejag met twee honde wat ook erg rondloop en meer van sy lammers vang(en die bure sin) as die jakkies, my opdrag was om jakkalse te skiet en as ek die honde raakloop hul ook dadelik van kant te maak. So van wat ek weet en gehoor het werk dit nie juis nie.

Groete
Al jakkals wat nie skaap vang nie is n dooie jakkals

User avatar
Kruger
Sr. Member
Sr. Member
Posts: 438
Joined: Fri Dec 19, 2008 12:17 pm
Location: Jansenville

Re: Anatoliese honde

Post by Kruger » Tue Mar 10, 2009 8:48 pm

Een buurman in die makker area het ook Anatole gehad en het met smaak vertel hoe goed dit werk. Gister gehoor hy't die hond eers op 30m misgeskiet en gelukkig geraak met die volgende skoot - 16 Bokkies gevang in die kraal. In dieselfde gesprek uitgekom dat 3 ouens in die distrik (name bekend) gedurende die laaste week hul honde geskiet het na skade. (16 bokkies, 45 lammers en ander skade onbekend)Ek weet net van telers wat beweer hulle werk goed, en ons weet almal waarom hulle so s?. Teen R3000 vir 'n 8 week ou hondjie sou ek ook dalk die waarheid se arm wou draai. Myne (drie gehad) is al twee jaar gelede vir Oom .22 gegee.
Winners never quit - Quitters never win.

tafjak

Re: Anatoliese honde

Post by tafjak » Wed Mar 11, 2009 12:43 am

Kruger

Jy moet tog 'n kleintjie van darie rooiteef hou vir my. Asb!

T

User avatar
Kruger
Sr. Member
Sr. Member
Posts: 438
Joined: Fri Dec 19, 2008 12:17 pm
Location: Jansenville

Re: Anatoliese honde

Post by Kruger » Wed Mar 11, 2009 7:25 pm

Sal nie vergeet nie. Weet net nie watter teef op die werf gaan eerste kleintjies kry nie. Sy of die bruinkop met die boeppens.
Winners never quit - Quitters never win.

tafjak

Re: Anatoliese honde

Post by tafjak » Wed Mar 11, 2009 8:58 pm

Kruger

Dankie ou maat.

T

N.S. Lyk my jy wil lank op Pogieterskraal gaan jag sonder bystand van die huis. ;D
Last edited by tafjak on Wed Mar 11, 2009 9:16 pm, edited 1 time in total.

User avatar
JACQUES BOTHA
Hero Member
Hero Member
Posts: 2283
Joined: Tue Jan 06, 2009 10:53 am
Location: Bloemfontein

Re: Anatoliese honde

Post by JACQUES BOTHA » Thu Apr 16, 2009 7:59 am

Anatool sukses.
Gister aand kry ek n oproep net na 10 uur . Ek hoor sommer dadelik Cassie(jagter) is in die veld...Hy klink sommer benoud..
Hy se hy sit al van half 7 af  en roep op die plek waar lammertjies gevang word. Hy sein die oog kom in vand ie verkeerde kant af. Wag om die oog te id.  hy sien die die anatool wat kom water drink, hy sit so 30 tree van die krip af, die hond se bek is vol bloed . die karkassies verdwyn sommer  alles word opgevreet . Hy weet nie wat om vir die boer te se nie....
En die deng hy vang nou en dan na 3 dae weer ens. Ek se hy moet vir die boer vra om die hond werf toe te neem vir n week, as daar dan gevang word, bel weer indien nie, stuur die hond terug na sy eienaar en kry sy geld terug....
Wat is julle raad? (behalwe om die hond te skiet)...
Shoot straight and tell the truth!

Freek
Hero Member
Hero Member
Posts: 1941
Joined: Tue Jan 13, 2009 8:50 am
Location: Vanderbijlpark

Re: Anatoliese honde

Post by Freek » Thu Apr 16, 2009 9:19 am

Jakes ek stem met jou raad... As jy kansie kry vandag bel my i.v.m reelings vir die 24ste - ek moet die inskrywings vorm finaliseer en faks. My no. 082 878 5208 ;)
SAVE A RHINO, SHOOT A POACHER!

Post Reply

Return to “Anatoliese en ander Herders-honde”