Rooibok Koperkapel (ook bekend as Pofadder, maar net groter!)

[Stefan764]

Manne

Hierdie is n resep vir die gesoute Bosveld en Stap-jagter:

KOPERKAPEL (Geelslang) van Rooibok

Benodighede:

- Mengbak
- Snybord/plank
- Paar skerp messe
- Skoon water
- Tregter (voorkant van worsstopper, so 20mm dik)
- Houtlepel

Bestanddele:

- 1x Rooibok lewer
- 1x Rooibok vetderm (dikderm)
- 1x bol netvat van Rooibok (so tennisbal grootte)
- 1x moerse ui
- 1x hele vars knoffelhuis/bol
- Marina braaisout
- Speserye volgens eie smaak. Herb Spice werk goed
- Gewone sout
- Swart peper

[img width=560 height=420]http://i1044.photobucket.com/albums/b44 ... 9-1109.jpg[/img]

Gaan SO te werk:

1) Sny die hele vetderm uit die bok. Druk die mis uit en was die derm goed uit.
2) Dop nou die derm om (binnekant buite) en was weer goed met skoon lopende water
3) Sny die lewer in growwe blokkies (so 5mm x 5mm) en plaas 50% in mengbak
4) Sny die ui so fyn as wat jy met n gewone mes kan. Moenie fyn kap nie. Plaas 50% in mengbak
5) Sny die hele knoffel huisie in skyfies. Plaas 50% in mengbak.
6) Sny die netvet in klein blokkies, plaas 50% in mengbak
7) Gooi die Braaisout, peper, gewone sout, Herbs&Spice bo-oor die 3x lae
Plaas die oorblywende helftes van die lewer, netvet, uiwe en knoffel ook in lae in die mengbak en gooi weer sou en speserye. Moenie skaam wees nie, moer die braaisout.
9) Meng baie goed deur.

[img width=560 height=420]http://i1044.photobucket.com/albums/b44 ... 9-1127.jpg[/img]


10) Knoop die onderpunt van die lee derm met n stukkie tou.
11) Stop die derm met die mengsel. Daar sal baie wind bubbles vorm, druk hulle gereeld uit na bo. MOET NIE die vetderm n gaatjie in steek nie!!!
12) Stop hom so dik soos n Marina Braaisout bottel (sien foto). Bind die bokant toe met n stukkie tou.
13) Gebruik orige netvet, sny in blokkies en maak skilpadjies. Steek sommer vas met tandestokkies.
14) Plaas die Koperkapel en skilpadjie in die vrieskas in n bak met n deksel.

[img width=560 height=420]http://i1044.photobucket.com/albums/b44 ... 9-1924.jpg[/img]




15) Gooi n Dubbel BELLS en Soda in n lang glas, vol ys en ontspan na n dag se harde maar suksesvolle jag.
16) Maak lekker groot vuur en kuier n koekskoot vir 3 tot 4 ure voor daar aan die kole geroer word. Afhangende van die geselskap en die arsenaal in jou koelboks kan nog hou opgegooi word en die verlangde wagtydperk kan uitgerek word na 5 tot 6 ure.
17) Haal Koperkapel en sy maatjies uit vrieskas. VERSIGTIG!! Maak seker tandestokkies steek nie derm gate in nie. Afhangende van hoeveel hout bygesit is deur die wagtydperk moet met al hoe meer versigtigheid te werk gegaan word.
18)Braai oor louwarm kole. Maak seker die lewer word gaar sonder om die netvet te brand. Weereens, die wagtydperk kom hier ter sprake. Hoe meer hout opgegooi was hoe groter die kuns om balans tussen gaar lewer en ongebrande netvet.
19) Geniet net so of saam met net wat jy wil, hierdie is n WENNER. PS - not for the faint-hearted 


[img width=560 height=420]http://i1044.photobucket.com/albums/b44 ... 9-1929.jpg[/img]



Groete
Stef
(Nog n PS - maak seker jy loop wind-op van jou jagmaat more in die veld  )

[Freek]

Kan beaam dat hierdie gereg enige kolestrol lyer se are wawyd oop skop - moet die knoffel en uie wees. Help ook nogal om die jagter genoeg kompressie te gee in dien daar in ruwe terein gejag word. Daai kappel gee nuwe betekenis aan die woord "thrust driven"... die ekstra bietjie "torque" help baie as jy koedoes en rooibokke in berg agtige terein jag.

Ek dink hy loop mooi saam stywe pap. Kapenaars kan maar aartepels ook gebruik.

[Visserr]

Mense, hierdie is voorlaai lekker,

Asb onhou net om eers in die koelkamer te los oor nag. Nou water my mond.

[erx]

Stefan

Daai kapel is wragtig enige cholestrol leier se droom, eet hom, dis mos hoekom ek pille drink om dit te counter balance!

Goeie werk!

Groete
erx

[Robert]

Ek het 'n POFADDER gemaak van Gemsbok vetderm,

Hy kan seker nie 'n pofadder of Koperkapel genoem word nie. Seker luislang of so iets Sal die foto soek en post
Hy wil net baie stadig en tydsaam gebraai raak.

Lekker eet aan die Colestrolbom

Robert

[Freek]

Robert, verseker... Jy eet seker 'n hele week aan daai ding.

[BLOK]

Stefaans Jamie Oliver Sullavan

Ken daai geelslang en man hy gaan lekker af, as jy hom weer maak kry van daai ingelegte jelapinos en kap hulle fyn en voeg by, ek het hom anderdag so by iemand anders geeet en was baie lekker.

Blok.

[whisper]

Stef, sorg dat jy nog n rooibok skiet ouboet, en dan pm jy vir my jou adres, ek is al oppad ! Baie mooi geskryf, my keyboard is in sy moer in van al die "drool" (sal invoice vir repairs na jou toe stuur! lol )

Groete.

Whisper.